„დავით არახამია უსამშობლო კაცი იმიტომ კი არა არის, რომ რუსეთმა, 300 000 ქართველი დევნილად აქცია საკუთარ სამშობლოში, არამედ იმიტომ რომ, ერთი სიტყვა ქართული არ იცის და ერთხელაც არ არის საქართველოში ნამყოფი! იმიტომ არის უსამშობლო, რომ უკრაინასაც კი როგორც ტერიტორიას, სადაც შეიძლება დიდი ფული იშოვო და საკუთარი პოლიტიკური ინტერესები დაიკმაყოფილო, ისე იყენებს“,- ასე ეხმაურება თბილისის საკრებულოს უმრავლესობის დეპუტატი, ვლადიმერ ბოჟაძე, უკრაინის მმართველი პარტიის საპარლამენტო ფრაქციის ხელმძღვანელის დავით არახამიას განცხადებას.

როგორც ბოჟაძე აღნიშნავს, ირაკლი კობახიძე და ,,ქართული ოცნება" ცივი გონებით, პრაგმატული საგარეო პოლიტიკის გატარებით, სახელმწიფოს და ხალხის ინტერესების სრულად დაცვით უზრუნველყოფს მშვიდობას, სტაბილურობას და განვითარებას.

„დავით არახამია უსამშობლო კაცი იმიტომ კი არა არის, რომ რუსეთმა, 300 000 ქართველი დევნილად აქცია საკუთარ სამშობლოში, არამედ იმიტომ რომ, ერთი სიტყვა ქართული არ იცის და ერთხელაც არ არის საქართველოში ნამყოფი! იმიტომ არის უსამშობლო, რომ უკრაინასაც კი როგორც ტერიტორიას, სადაც შეიძლება დიდი ფული იშოვო და საკუთარი პოლიტიკური ინტერესები დაიკმაყოფილო, ისე იყენებს! კიდევ იმიტომ არის უსამშობლო, რომ უნდა საქართველო, უკრაინის მსგავსად, ომის უბედურებისთვის გაიმეტოს, რუსული რაკეტების, ბომბების და ტყვიების პოლიგონად აქციოს, სანქციების დაწესებით ემუქრება ქვეყანას და ხელისუფლების სისხლიანი გადატრიალების სცენარს ხელმძღვანელობს! ირაკლი კობახიძე და ,,ქართული ოცნება" ცივი გონებით, პრაგმატული საგარეო პოლიტიკის გატარებით, სახელმწიფოს და ხალხის ინტერესების სრულად დაცვით უზრუნველყოფს მშვიდობას, სტაბილურობას და განვითარებას, დიახ, საქართველოს გარე და შიგა მტრების ჯინაზე დავიცავთ მხოლოდ ჩვენი სამშობლოს ინტერესებს და ქართველ ხალხთან ერთად, არ დავუშვებთ მეორე ფრონტის გახსნას და რუსეთ-უკრაინის ომში ჩართვას(რუსეთთან ისედაც ვართ ცივი ომის ფაზაში), არ დავუშვებთ ქაოსს, არეულობას, დესტაბილიზაციას და სისხლიან რევოლუციას(სახელმწიფო გადატრიალებას), არ დავუშვებთ სუვერენიტეტის შეზღუდვას და ტერიტორიების სრულ ოკუპაციას! მშვიდობის და სტაბილურობის დაცვით, შევძლებთ ეკონომიკურ განვითარებას, შევამცირებთ უმუშევრობას და სიღარიბეს, გავაძლიერებთ სახელმწიფოს და მშვიდობიანი გზით გავაერთიანებთ საქართველოს, ამას სწორედ ირაკლი კობახიძესთან და ჩვენს პროფესიონალი, პატრიოტი და სამშობლოზე უზომოდ შეყვარებული მოქალაქეების დიდ არმიასთან ერთად შევძლებთ!
#მშვიდობადაწარმატებებისაქართველოს
#გელოდებითარჩევნებზე2024“ - წერს ბოჟაძე facebook - ზე.