845
25 აგვისტო 2023, 13:24
"ჩვენ კი, რა თქმა უნდა, გვაწყობს გვარამია ოპოზიციის ლიდერად - ქართველ ხალხთან დიდი ენერგიის დახარჯვა აღარ დაგვჭირდება წინასაარჩევნოდ მკვლელი ხელისუფლების დაბრუნების შემთხვევაში წარმოდგენილი რეალობის დასანახად", - ამის შესახებ "ხალხის ძალის" წევრი თამარ ჩიბურდანიძე სოციალურ ქსელში წერს.
მისი თქმით, უკრაინის ხელისუფლებას ნიკა გვარამიას დაჯილდოება ამერიკიდან დაავალეს, თუმცა ამ დავალების გამცემები და აღმსრულებლები ვერ ხვდებიან, რომ უცხო ქვეყნის მიერ გაცემული ვერანაირი ჯილდო გვარამიას საქართველოში რეიტინგს ვერ აუწევს.
"გვარამიას დაჯილდოება ალბათ ამერიკიდან უბრძანეს უკრაინის ხელისუფლებას და მათაც შეასრულეს. გვარამია ხომ ახალ პოლიტიკურ ლიდერად სურთ ამ გამქრალი ოპოზიციისთვის, მაგრამ უბედურება ისაა, რომ ჰგონიათ, თუკი უკრაინის ან სხვა ქვეყნის ხელისუფლება მსგავსი დაკვეთით ჯილდოს გადასცემს გვარამიას, რეიტინგი აეწევა საქართველოში.
ასეთ მცდარ პოლიტიკას აწარმოებენ ოპოზიციის ფლანგზე და მერე უკვირთ, რეიტინგი რატომ არ გვაქვსო? როგორ შეიძლება ოპოზიციის წარმატებულ ლიდერად აქციო პირი, რომელიც ამავე გუნდის წარუმატებელი იდეოლოგი იყო წლების განმავლობაში?
იმ პერიოდის ერთ-ერთ მთავარ შემოქმედს, რომელიც საქართველოს ისტორიაში სისხლიან ფურცლად ჩაიწერა, ვერც ერთი ჯილდო ვერ გახდის რეიტინგულს. სანამ ამას ვერ შეიგნებენ ის სტრატეგოსები, რომლებიც ამ გასაცოდავებული ოპოზიციით ხელისუფლების შეცვლას ცდილობენ, მანამდე იქნება მათი რეიტინგი მინიმუმს დაბლა.
ჩვენ კი, რა თქმა უნდა, გვაწყობს გვარამია ოპოზიციის ლიდერად - ქართველ ხალხთან დიდი ენერგიის დახარჯვა აღარ დაგვჭირდება წინასაარჩევნოდ მკვლელი ხელისუფლების დაბრუნების შემთხვევაში წარმოდგენილი რეალობის დასანახად", - წერს ჩიბურდანიძე.
| სარეკლამო ადგილი - 11 650 x 60 |
