528
18 სექტემბერი 2023, 13:17
"ოპოზიციამ და მათმა ლობისტებმა კარგად იციან, რომ საქართველოში სისხლიანი მაიდანი ავტომატურად გადაიზრდება საქართველო-რუსეთს შორის დაპირისპირებაში და ამით მიიღებენ მათ სანატრელ ომს," - ამის შესახებ "ხალხის ძალის" წევრი თამარ ჩიბურდანიძე სოციალურ ქსელში წერს.
მისი თქმით, თუკი თავდაპირველად სტატუსის მიღება ოცნება იყო ბევრი ქართველისთვის, დღეს იმდენად გაუფერულდა სტატუსის არსი, რომ თუნდაც არ მოგვანიჭონ, ქართველი ხალხი ამისთვის რევოლუციას არ მოაწყობს.
"დღეს გავრცელებული ინფორმაცია ოქტომბერ-დეკემბერში დაგეგმილი არეულობის შესახებ იმ ეჭვებს ამყარებს, რომ სტატუსის არმონიჭებით საქართველოში რევოლუციის მოწყობა სურდათ შარშან და სურთ ახლაც.
ეს აშკარად იკითხება იმ პროცესებიდან, რაც ამ პერიოდში ხდება: ქართული ოპოზიციის ბრძოლა იმისთვის, რომ სტატუსი არ მოგვცენ ოცნების ხელისუფლების პერიოდში და ეს ამბოხისთვის გამოიყენონ. ევროპელი პოლიტიკოსების მუდმივად დაუმსახურებელი კრიტიკა 12-პუნქტიანი გეგმის შესრულებაზე; უკრაინიდან ჩვენგან გაძევებული, ყოფილი კრიმინალი ხელისუფლების წევრების თუ უკრაინის მთავრობის ავანტიურა და ა.შ.
თუკი თავდაპირველად სტატუსის მიღება ოცნება იყო ბევრი ქართველისთვის, დღეს, ევროპელი პოლიტიკოსებისგან ამდენი დამცირებით, იმდენად გაუფერულდა სტატუსის არსი, რომ თუნდაც არ მოგვანიჭონ, ქართველი ხალხი ამისთვის რევოლუციას არ მოაწყობს. მაიდანი სურს ოპოზიციას და მის უცხოელ ლობისტებს.
ოპოზიციამ და მათმა ლობისტებმა კარგად იციან, რომ საქართველოში სისხლიანი მაიდანი ავტომატურად გადაიზრდება საქართველო-რუსეთს შორის დაპირისპირებაში და ამით მიიღებენ მათ სანატრელ ომს. ეს ყველაფერი კი მხოლოდ აქეთკენ მიდის. საინტერესოა, რას იტყვის ჟოზეფ ბორელი ან სხვა ევროპელი ლიდერები ამ ფაქტებზე?" - წერს ჩიბურდანიძე.
| სარეკლამო ადგილი - 11 650 x 60 |
