694
16 ოქტომბერი 2023, 18:28
„ხალხის ძალის“ წევრი თამარ ჩიბურდანიძე, სოციალურ ქსელში საკონსტიტუციო სასამართლოს გადაწყვეტილებას ეხმაურება.
ჩიბურდანიძე გაოგნებულია საკონსტიტუციო სასამართლოს სამი მოსამართლის გადაწყვეტილებით და აღნიშნავს, ამ მოსამართლეებს ვერ გაურჩევიათ ერთმანეთისგან სასამართლო და პოლიტიკა.
„გაოგნებული ვარ საკონსტიტუციო სასამართლოს იმ სამი მოსამართლის გადაწყვეტილებით, რომლებმაც მხარი არ დაუჭირეს განაჩენს. რატომ? თუკი ისინი ვერ მიხვდნენ, რომ კონსტიტუცია დაირღვა, უბედურებაა და თუკი ეს პოლიტიკური მოტივით გააკეთეს, კიდევ უფრო დიდი უბედურებაა.
პირველკურსელებისთვისაც კი მისახვედრი იყო ის დარღვევა, რაც საკონსტიტუციო სასამართლოს წარედგინა. აქ კურიოზული ის იყო, რომ პრეზიდენტი კონსტიტუციის დარღვევაში თავად მისმა წარმომადგენლებმა დაადანაშაულეს.
ხოლო, თუკი იმ სამმა მოსამართლემ მხარი პოლიტიკური მოტივით არ დაუჭირეს, რომ თითქოსდა ეს შეაფერხებს სტატუსის მონიჭების პროცესს, მაშინ მათი ადგილი იქ არ ყოფილა, მათ ერთმანეთისგან ვერ გაურჩევიათ სასამართლო და პოლიტიკა. უღირდათ კი ამის ფასად ის ქმედება, რაც ჩაიდინეს?“, - წერს ჩიბურდანიძე.
| სარეკლამო ადგილი - 11 650 x 60 |
