BBC-ი  შრომის საერთაშორისო ორგანიზაციის კვლევის მონაცემებს აქვეყნებს და წერს, რომ კორონავირუსის პანდემიის გამო მსოფლიოში ყოველი ხუთი ადამიანიდან ოთხი უმუშევარია.  

კვლევის თანახმად, პანდემიის გამო მსოფლიოში დასაქმებულების 81 პროცენტი უსამსახუროდ დარჩა. ნაწილმა სამსახური დროებით, ხოლო ნაწილმა სამუდამოდ დაკარგა.

როგორც ორგანიზაციის გენერალური დირექტორი გაი რაიდერი ამბობს, „დასაქმებულები და ბიზნესი კატასტროფულ მდგომაროებაში არიან, როგორც განვითარებულ, ისე განვითარებად ქვეყნებში“.

შრომის საერთაშორისო ორგანიზაციის ინფორმაციით, 2020 წლის მეორე კვარტალში მსოფლიოში დასაქმებულთა მიერ სამსახურში გატარებული საათების საერთო რაოდენობა 6,7 პროცენტით შემცირდება, რაც სრულ განაკვეთზე მომუშავე 195 მილიონი დასაქმებულის მიერ სამსახურში გატარებულ დროს უტოლდება.

შრომის საერთაშორისო ორგანიზაციის ინფორმაციით, კორონავირუსმა არა მხოლოდ ჯანდაცვის კრიზისი, არამედ ეკონომიკური და შრომითი ბაზრის კრიზისიც გამოიწვია.

„ეს უკვე მსოფლიო ჯანდაცვის კრიზისი აღარაა. ეს შრომითი ბაზრის და ეკონომიკური კრიზისიცაა“, - აცხადებენ ორგანიზაციაში. მათივე ინფორმაციით, პანდემიის ფონზე, შესაძლოა, 24 მილიონი ადამიანი უმუშევარი დარჩეს.