500
26 თებერვალი 2024, 19:23
მივმართავ საქართველოში ჰოლანდიის, ნორვეგიისა და შვეიცარიის საელჩოებს, ასევე გაეროს დაფინანსებული UNDP - ს პროგრამის ხელმძღვანელებს - იქნებ კეთილი ინებოთ და აგვიხსნათ, რატომ აფინანსებთ აგრესიულ LGBT პროპაგანდას საქართველოში?, - ასე ეხმიანება „ხალხის ძალის“ წევრი თამთა მეგრელიშვილი 6 მარტს დაგეგმილ წიგნის პრეზენტაციას სახელწოდებით “ცისფერი - ქვიარ ამბავი ქართულ ხელოვნებაში”.
მეგრელიშვილის თქმით, ქართველი ხალხი არ მოითმენს მსგავსი სიმახინჯის დაკანონების მცდელობას და ქვეყნის მოსახლეობის 90%-ისთვის არათუ მიუღებელია, არამედ ლოგიკურ გაღიზიანებას იწვევს.
„მივმართავ საქართველოში ჰოლანდიის, ნორვეგიისა და შვეიცარიის საელჩოებს, ასევე გაეროს დაფინანსებული UNDP - ს პროგრამის ხელმძღვანელებს - იქნებ კეთილი ინებო და აგვიხსნათ, რატომ აფინანსებთ აგრესიულ LGBT პროპაგანდას საქართველოში? რატომ იხარჯება ფული ფსევდოლიბერალური იდეოლოგიის გავრცელებაში, ხოლო შემდგომ რატომ გვამადლით, რომ ჩვენ ქვეყანაში თანხებს ხარჯავთ? რატომ აფინანსებთ ისეთ ღონისძიებებს, რაც ქვეყნის მოსახლეობის 90% - ისთვის არათუ მიუღებელია, არამედ ლოგიკურ გაღიზიანებას იწვევს? რატომ გვახვევთ თავს სექსუალური უმცირესობების ცხოვრების წესს და რატომ ცდილობთ საზოგადოებრივი ცხოვრების ყველა სფეროში შეაღწიოთ ამ იდეოლოგიის პროპაგანდით? ნუთუ გგონიათ, რომ მსგავსი სიმახინჯის დაკანონების მცდელობას მოითმენს ქართველი ხალხი? მწარედ ცდებით. აჯობებს გონს მოეგოთ და გადახედოთ თქვენ პრიორიტეტებს, თუმცა კი, ამის იმედი ნამდვილად არ მაქვს“, - წერს თამთა მეგრელიშვილი.
| სარეკლამო ადგილი - 11 650 x 60 |
