„ხალხის ძალის" წევრი დავით ქართველიშვილი სოციალური ქსელით ეხმიანება რადიკალური ოპოზიციისა და არასამთავრობო ორგანიზაციების ნაწილის მიერ სოცქსელში საგანგებო ბანერის გავრცელებას, სადაც წერია - "რატომ არის ეს კანონი რუსული" და ჩამოთვლილია თითქოსდა ის არგუმენტები, რატომ არის "უცხოური გავლენების გამჭვირვალობის შესახებ" კანონი რუსული.

დავით ქართველიშვილი ამ ბანერის სახეცვლილ ვარიანტს ავრცელებს, რომელშიც დასაბუთებულია, რატომ არ არის ეს კანონი რუსული.

„ჩვენი პასუხი რუსეთის საგარეო საქმეთა სამინისტროს დსთ-სა და საქართველოს მე-4 დეპარტამენტისა და მოსკოვის მერიის ხაზით შემოსული ფინანსების მიზნობრიობის გამჭვირვალობის აუცილებლობაზე, რასაც კატეგორიულად ეწინააღმდეგება გვარამია-გიგაური-ლომჯარიას კლანი და მათი სექტანტები...", - წერს ქართველიშვილი.