ზურაბ ქადაგიძე ფონდ „ქართუს“ ქველმოქმედებაზე: ქართული სპორტი, კულტურა, არქიტექტურა, მეცნიერება და უამრავი მოქალაქე გადაარჩინა ბიძინა ივანიშვილმა და არასდროს უკან არ მოუთხოვია სარგებელი - ძალიან კარგია, რომ ამხელა მოტივაციას უჩენს ფეხბურთელებს

303 23 აპრილი 2024, 15:34

„ხალხის ძალის“ წევრი ზურაბ ქადაგიძე ფონდი „ქართუს“ გადაწყვეტილებას ეხმიანება, რომლის თანახმად ფონდი ევროპის ჩემპიონატის ქვეჯგუფიდან გასვლისთვის, საფეხბურთო ნაკრებს 30 მილიონ ლარს გადასცემს, ქვეჯგუფიდან გასვლის შემდეგ, ყოველი შემდეგი მატჩის მოგებისთვის კი დამატებით 30 მლნ ლარით დააჯილდოებს.

ქადაგიძის თქმით, ძალიან კარგია, რომ ბიძინა ივანიშვილი მოტივაციას უჩენს ფეხბურთელებს და რომ სპორტის ეს სახეობაც არანაკლებ წარმატებული იქნება როგორც რაგბი, რადგან “ბორჯღალოსნების” მაგალითზე შეგვიძლია დავასკვნათ თუ რას ნიშნავს მზრუნველი და ერთგული პარტნიორი ფონდი “ქართუს” სახით.

„ქართული სპორტი, კულტურა, არქიტექტურა, მეცნიერება და უამრავი მოქალაქე გადაარჩინა ბიძინა ივანიშვილმა და არასდროს უკან არ მოუთხოვია სარგებელი. დღეს, რომ სტადიონებზე გუბეები, თეატრებში ნესტი და კულტურული ძეგლების მაგივრად ქვა-ღორღი არ არის, სწორედ მისი დამსახურებაა. ძალიან კარგია, რომ ამხელა მოტივაციას უჩენს ფეხბურთელებს. ეს იმას ნიშნავს, რომ სპორტის ეს სახეობაც არანაკლებ წარმატებული იქნება როგორც რაგბი, რადგან “ბორჯღალოსნების” მაგალითზე შეგვიძლია დავასკვნათ თუ რას ნიშნავს მზრუნველი და ერთგული პარტნიორი ფონდი “ქართუს” სახით. აი, თქვენ კი სვავებო, ისევ იმავე ლეშზე ისხდებით სააკაშვილის სახით და იმავე ნაგვის ქექვა მოგიწევთ, როგორც 2012 წლიდან დღემდე!“ - წერს ქადაგიძე Facebook-ზე.

სარეკლამო ადგილი - 11
650 x 60