გერტ იან კოპმანი საქართველოშია. ამის შესახებ ევროკომისიის გენერალური დირექტორი სამეზობლოს და გაფართოების შესახებ მოლაპარაკების საკითხებში სოციალურ ქსელში წერს.

„ახლახან ჩამოვედი თბილისში. მოუთმენლად ველი შეხვედრებს პრეზიდენტთან, მთავრობასთან, პარლამენტთან და სამოქალაქო საზოგადოებასთან. ქართველებმა ბევრი იშრომეს კანდიდატის სტატუსის მოსაპოვებლად. ამჟამინდელი გამოწვევები უნდა მოგვარდეს და ჩვენ აქ ვართ, რათა დაგეხმაროთ მათ მოგვარებაში“, - წერს დიპლომატი.