როგორც ჩანს, ამ კეთილშობილ ბატონს არ აქვს წაკითხულო FARA-ს კანონი. შეიძლება ზედაპირულად კი ჰქონდეს წაკითხული, მაგრამ დეტალებში ვერ ერკვეოდეს. წინააღმდეგ შემთხვევაში, ასეთ უსუსურ განმარტებას, არაკორექტულს და შეიძლება ითქვას, მიუღებელს, უბრალოდ არ გააკეთებდა, - ამის შესახებ „დღის ქრონიკაში“ ექსპერტმა ლევან ნიკოლეიშვილმა განაცხადა.
ექსპერტი აშშ-ის სახელმწიფო დეპარტამენტის ოფიციალური წარმომადგენლის, მეთიუ მილერის განცხადებას გამოეხმაურა, სადაც ის ამბობს, რომ FARA ეხება მათ, ვინც უცხოური მთავრობების სახელით მოქმედებენ და არა მათ, ვინც არასამთავრობო ორგანიზაციების ლეგიტიმურ საქმიანობას ეწევიან.
„სახელმწიფო დეპარტამენტის სპიკერი ეყრდნობა არა რეალობას, არა ზუსტ ინფორმაციას, რომლის მიღების საშუალებაც რეალურად გააჩნია, არამედ ისეთი სახის ინფორმაციებს, რაც არ უნდა იყოს მიზანშეწონილი, ელემენტარულად, ჩვენი ქვეყნების სტრატეგიული ურთიერთობისთვის. ვგულისხმობ იმას, რომ როგორც ჩანს, ამ კეთილშობილ ბატონს არ აქვს წაკითხულო FARA-ს კანონი. შეიძლება ზედაპირულად კი ჰქონდეს წაკითხული, მაგრამ დეტალებში ვერ ერკვეოდეს. წინააღმდეგ შემთხვევაში, ასეთ უსუსურ განმარტებას, არაკორექტულს და შეიძლება ითქვას, მიუღებელს, უბრალოდ არ გააკეთებდა. არც გიული ალასანია და არც კეზერაშვილი არ წარმოადგენენ უცხო სახელმწიფოებს და FARA-ს კანონი გამჭვირვალეობის შესახებ აძლევს საშუალებას არა მარტო ამერიკელებს, არამედ სხვა ქვეყნის წარმომადგენლებსაც, მიიღონ ზუსტი ინფორმაცია ამა, თუ იმ საკითხთან დაკავშირებით“, - აღნიშნა ექსპერტმა.
| სარეკლამო ადგილი - 11 650 x 60 |
