შოთა ხაბარელი: ახლა მაინც ხვდებით, რამხელა სიცრუე და ბოროტება მოგახვიეს თავს სხვა ქვეყნების აგენტებმა? ძალადობის წინააღმდეგ ლოზუნგებით სააკაშვილის აგენტურული ხელისუფლების დაბრუნების შანსებზე გაბრძოლეს, მოგატყუეს!
სარეკლამო ადგილი - 10
650 x 60
213 24 მაისი 2024, 21:24
ისე უხარიათ საკუთარი ქვეყნის ხელისუფლების დასანქცირება სხვა ქვეყნიდან, რომ საერთოდ ვეღარ ხვდებიან, როგორ მოხდა მათი, როგორც აგენტების სრული, აბსოლუტური ლუსტრაცია. მეტი რა უნდა მოხდეს იმისთვის, რომ ხალხმა თავის თვალით შეხედოს როგორ მტრობენ, ღალატობენ საკუთარ ქვეყანას და რამდენად სხვა ქვეყნებს წარმოადგენენ ეს ადამიანები!!! - ასე ეხმიანება “ქართული ოცნების” დეპუტატი, შოთა ხაბარელი, აშშ-ის მხრიდან სავიზო რეჟიმის გამკაცრებაზე გაკეთებულ განცხადებაზე რადიკალური ოპოზიციის რეაქციას.

როგორც ხაბარელი სოციალურ ქსელში წერს, ის ახალგაზრდები, რომლებიც აქციებზე დადიოდნენ, უნდა მიხვდნენ, რამხელა სიცრუე და ბოროტება მოახვიეს თავს სხვა ქვეყნის აგენტებმა. მისივე თქმით, რადიკალები სწორედ ახალგაზრდების გამოუცდელობით სარგებლობენ.

“ისე უხარიათ საკუთარი ქვეყნის ხელისუფლების დასანქცირება სხვა ქვეყნიდან, რომ საერთოდ ვეღარ ხვდებიან, როგორ მოხდა მათი, როგორც აგენტების სრული, აბსოლუტური ლუსტრაცია. მეტი რა უნდა მოხდეს იმისთვის, რომ ხალხმა თავის თვალით შეხედოს როგორ მტრობენ, ღალატობენ საკუთარ ქვეყანას და რამდენად სხვა ქვეყნებს წარმოადგენენ ეს ადამიანები!!!

ახალგაზრდების იმ ნაწილს მივმართავ, ვინც აქციაზე დადიოდა: 
ჩვენო შვილებო, ახლა მაინც ხვდებით, რამხელა სიცრუე და ბოროტება მოგახვიეს თავს სხვა ქვეყნების აგენტებმა?!ხედავთ რამხელა ამბავი ატყდა ლომჯარიამ და გიგაურმა დეკლარაცია რომ არ შეავსონ?!
ხვდებით რა გეგმები ეშლებათ ამით და რამხელა ბოროტება იმალება ამ ყველაფრის უკან?!
კანონზე, რომლის გაცილებით მკაცრი ვერსია თავად აქვთ დღემდე ამერიკელებს, ისინი თქვენი ქვეყნის ხელისუფლებას გისანქცირებენ!.. 
თავისუფლების მოთხოვნით თავისუფლების წინააღმდეგ გამოგიყვანეს ქუჩაში!
ვითომ ანტირუსული კამპანიით საბჭოთა კამპანიაში ჩაგრთეს! 
ძალადობის წინააღმდეგ ლოზუნგებით სააკაშვილის აგენტურული ხელისუფლების დაბრუნების შანსებზე გაბრძოლეს! 
მოგატყუეს!

ნუ იგრძნობთ თავს შეურაცხყოფილად ნურც ამ სიტყვებით და ნურც იმით, რომ მოტყუვდით. მხოლოდ გამოუცდელობაა, რითაც ისინი სარგებლობენ. თქვენ ჩვენი ქვეყნის მომავალი ხართ. გავა დრო და ათასჯერ კარგად შეხედავთ, რა რთულია დამოუკიდებლობისთვის ბრძოლა იმ ქვეყნისთვის, რომლის 20 პროცენტამდე ოკუპირებულია და მეორე მხრივ, რომლის მართვასაც აგენტურის, და არა ქართველი ხალხის მიერ არჩეული ხელისუფლების ხელით ცდილობენ. რომლის მიმართ ინტერესი პაიკის როლია, რომელიც დიდი ფიგურების ინტერესებს უნდა შეეწიროს!..
ჩვენ კი ამას არ ვუშვებთ, სხვები კი ცდილობენ, ჩვენივე ხალხი დაგვიპირისპირონ მათი “გლობალური ამოცანების” განსახორციელებლად. 

ქვეყნის სიმცირე მონობას არ ნიშნავს, სიამაყით და ღირსებით ბევრი შეგვიძლია გავაკეთოთ!” - წერს შოთა ხაბარელი.
სარეკლამო ადგილი - 11
650 x 60
ზურაბ ქადაგიძე: თემა აღარ აქვთ და ახალი „ფეიკი“ გამოაცხვეს, თითქოს მიშა მესხი კულტურის საკითხებში პრეზიდენტის მრჩევლად დაინიშნა
ნინო ფოჩხუა: მიშა მესხი საპარლამენტო საგამოძიებო კომისიაზე იყო მიწვეული, წამსვე ფეიკს ფეიკზე უგონებენ - ეს ხომ ერთდღიანი ტყუილია, რომლის შემოწმებასაც წუთიც არ სჭირდება
დავით ქართველიშვილი ისრაელ-ირანის ომზე: ძალიან სახიფათოა, როდესაც ვინმე რომელიმე პოზიციას ეთანხმება და ცალსახად მოუწოდებს ხელისუფლებას ამა თუ იმ ქვეყნის მხარდაჭერისაკენ
ვატო შაქარიშვილი: ინფორმირებულობა და სიმართლის ცოდნა „დიფ სთეითზე“, ოლიგარქიულ ოჯახებზე იყო ერთ-ერთი მნიშვნელოვანი დამცავი ფარი ქართული სახელმწიფოსთვის
ბრიუსელის გადაწყვეტილებების მოტივატორია ის, რომ საქართველო ევრობიუროკრატიას და „ევროსაბჭოთა კავშირს“ ხელიდან გაუსხლტა ისე, როგორც ამას აკეთებდა ყველა იმპერიასთან მიმართებით
არქივი