სენატორებმა ისიც არ იციან, რომ ოთხი სასამართლო მოვუგეთ რუსეთს და უკრაინასთან დაკავშირებით რუსეთის წინააღმდეგ ჰააგაში შეტანილ საჩივარს მოვაწერეთ ხელი, - ამის შესახებ საქართველოს პარლამენტის თავმჯდომარის პირველმა მოადგილემ გიორგი ვოლსკიმ „დღის ქრონიკაში“ სენატორების წერილთან დაკავშირებით განაცხადა.
„სააკაშვილმა 2006 წელს ფაქტობრივად დაშალა ყველა მოლაპარაკების ფორმატი [რუსეთთან] და გადავიდა გარკვეულ სტრატეგიულ გეგმაზე, რომლითაც ისარგებლა რუსეთმა. ეს არ იციან ამ სენატორებმა, რომლებიც დღეს წერილს აგზავნიან. სენატორებმა ისიც არ იციან, რომ ოთხი სასამართლო მოვუგეთ რუსეთს და უკრაინასთან დაკავშირებით რუსეთის წინააღმდეგ ჰააგაში შეტანილ საჩივარს მოვაწერეთ ხელი. ისიც არ იციან, რომ სააკაშვილმა ხელი მოაწერა იმას, რომ რუსეთმა კი არ დააშავა, საქართველომ დააშავა და ამიტომ, რუსეთი იძულებული გახდა საპასუხო ნაბიჯები გადმოედგა“, - აღნიშნა ვოლსკიმ.
| სარეკლამო ადგილი - 11 650 x 60 |
