უკრაინაში აშშ-ის ელჩმა, ბრიჯიტ ბრინკმა განაცხადა, რომ აშშ-ის მიზანია უკრაინას დაეხმაროს თავის დაცვაში, თუმცა შესაძლებელს არ ხდის და არ უჭერს მხარს რუსეთის ტერიტორიაზე ამერიკული იარაღით დარტყმებს. ინფორმაციას ამის შესახებ უკრაინული მედია ავრცელებს.

„უკრაინის თავდაცვითი დახმარების პირველი ნაწილი არის ჩვენი და ჩვენი პარტნიორების იარაღის მიწოდება, რათა მხარი დავუჭიროთ ფრონტზე თქვენი მამაცი გმირების ძალისხმევას თქვენი ტერიტორიების დასაბრუნებლად. ჩვენი პოზიცია თავიდანვე იყო, რომ ჩვენ შესაძლებელს არ ვხდით ან არ ვახალისებთ ჩვენი იარაღის გამოყენებას რუსეთში, უკრაინის ტერიტორიის გარეთ“, - აღნიშნა ბრიჯიტ ბრინკმა.

ბრინკმა აღნიშნა, რომ პრეზიდენტ ბაიდენის მიზანია დაეხმაროს უკრაინას თავის დაცვაში და მომავალი აგრესიის შეკავებაში.