გვსურს, რომ საქართველო გახდეს ევროკავშირის წევრი, იმავდროულად გვაშფოთებს ახალი კანონმდებლობა, რომელიც სამოქალაქო საზოგადოების შესაძლებლობებს ზღუდავს, - განაცხადა მედიასთან საუბარში შვედეთის სამეფოს საერთაშორისო განვითარების თანამშრომლობის და საგარეო ვაჭრობის მინისტრმა იოჰან ფორსელმა.

„ჩვენ საქართველოს ზურგს არ შევაქცევთ. გვსურს, რომ ის გახდეს ევროკავშირის წევრი. იმავდროულად გვაშფოთებს ახალი კანონმდებლობა, რომელიც სამოქალაქო საზოგადოების შესაძლებლობებს ზღუდავს. ვშიშობთ, ის არ შეესაბამება იმ თანამშრომლობას, რომელიც გვაქვს და არ შეესაბამება სამოქალაქო საზოგადოების მნიშვნელობასთან დაკავშირებით ჩვენს შეხედულებებს“, - განაცხადა იოჰან ფორსელმა.