თეთრი სახლი: დონალდ ტრამპი და ვლადიმირ პუტინი შეთანხმდნენ, რომ უკრაინაში კონფლიქტი მდგრადი მშვიდობით უნდა დასრულდეს - მათ ასევე ხაზი გაუსვეს აშშ-სა და რუსეთს შორის ორმხრივი ურთიერთობების გაუმჯობესების აუცილებლობას
სარეკლამო ადგილი - 10
650 x 60
78 18 მარტი 2025, 22:15
თეთრი სახლი აშშ-ისა და რუსეთის პრეზიდენტების სატელეფონო საუბართან დაკავშირებით განცხადებას ავრცელებს.

„დღეს პრეზიდენტმა ტრამპმა და პრეზიდენტმა პუტინმა ისაუბრეს უკრაინაში მ იმდინარე ომში მშვიდობისა და ცეცხლის შეწყვეტის აუცილებლობაზე. ორივე ლიდერი შეთანხმდა, რომ ეს კონფლიქტი მდგრადი მშვიდობით უნდა დასრულდეს. მათ ასევე ხაზი გაუსვეს შეერთებულ შტატებსა და რუსეთს შორის ორმხრივი ურთიერთობების გაუმჯობესების აუცილებლობას. ის რესურსები, რომლებსაც უკრაინა და რუსეთი ამ ომზე ხარჯავენ, უკეთესი იქნებოდა მათი ხალხის საჭიროებებზე დახარჯულიყო. ეს კონფლიქტი არასდროს უნდა დაწყებულიყო და დიდი ხნის წინ უნდა დასრულებულიყო გულწრფელი და კეთილსინდისიერი სამშვიდობო ძალისხმევით. ლიდერები შეთანხმდნენ, რომ მშვიდობისკენ სვლა დაიწყება ენერგეტიკული და ინფრასტრუქტურული ცეცხლის შეწყვეტით, ასევე ტექნიკური მოლაპარაკებებით შავ ზღვაში საზღვაო ცეცხლის შეწყვეტის, სრული ცეცხლის შეწყვეტისა და მუდმივი მშვიდობის შესახებ. ეს მოლაპარაკებები დაუყოვნებლივ დაიწყება ახლო აღმოსავლეთში. ლიდერებმა ასევე განიხილეს სტრატეგიული იარაღის გავრცელების შეჩერების აუცილებლობა. ორივე ლიდერი იზიარებს მოსაზრებას, რომ ირანი არასოდეს უნდა იყოს ისრაელის განადგურების პოზიციაში. ორივე ლიდერი შეთანხმდა, რომ შეერთებულ შტატებსა და რუსეთს შორის გაუმჯობესებული ორმხრივი ურთიერთობების მომავალს უზარმაზარი პოტენციალი აქვს. ეს მოიცავს უზარმაზარ ეკონომიკურ გარიგებებს და გეოპოლიტიკურ სტაბილურობას მშვიდობის მიღწევის შემდეგ“, - ნათქვამია განცხადებაში.
სარეკლამო ადგილი - 11
650 x 60
მაკა ბოჭორიშვილი - საქართველოსთვის მნიშვნელოვანია, რომ ახალი პაპის ინაუგურაციის ცერემონიის მონაწილე საქართველოს პრეზიდენტიც იქნება
შალვა პაპუაშვილი - ევროკავშირის ელჩი რაც უფრო მეტად ჩაიხუტებს გულში ემოციურად დაზიანებულ ტიტუშკებს, მით უფრო მეტად გააიგივებს ბრიუსელს სიძულვილთან და ძალადობასთან
საქართველოს პრეზიდენტი მიხეილ ყაველაშვილი რომში ჩავიდა და 18 მაისს ვატიკანში ახალი რომის პაპის, ლეო XIV-ის ინაუგურაციას დაესწრება
მეუფე შიო: ოჯახი არის დიდი სკოლა სიყვარულის, თავგანწირვის, სადაც ერთმანეთისთვის ლოცვით, მოთმინებით, ურთიერთ სიმძიმის ტვირთვით, ჩვენ ვსწავლობთ სიყვარულს, ვიზრდებით სულიერებაში და სულს ვიცხონებთ
დღეს საქართველოში ოჯახის სიწმინდისა და მშობლების პატივისცემის დღე აღინიშნება
არქივი