საგარეჯოში იუსტიციის სახლის 125-ე ფილიალი გაიხსნა. უკვე ხვალიდან მომხმარებელს ახალ იუსტიციის სახლში, რომელშიც 20 ადგილობრივია დასაქმებული, 500-მდე სერვისის მიღება შეეძლება. ეს კახეთის რეგიონში რიგით მე-19 იუსტიციის სახლია, თუმცა მოსახლეობის მოთხოვნებიდან გამომდინარე, მიმდინარეობს დამატებით კიდევ ერთის მშენებლობა ახმეტაში.

საგარეჯოს ფილიალი ამ დრომდე ძველ შენობაში ფუნქციონირებდა ახლა კი მას ყველა ტიპის მოქალაქეზე მორგებული სერვისი აქვს, მათ შორის სრულადაა ადაპტირებული შეზღუდული შესაძლებლობის მქონე პირთათვის. საგარეჯოს იუსტიციის სახლი პრემიერ-მინისტრმა ირაკლი კობახიძემ, იუსტიციის მინისტრ პაატა სალიასთან და იუსტიციის სახლის თავმჯდომარე ვახტანგ ჟვანიასთან ერთად გახსნა.