430
09 აგვისტო 2025, 17:31
საპარლამენტო უმრავლესობის წევრი, „ქართული ოცნების“ ნაძალადევის რაიონის დელეგატი ირაკლი ხელაძე „ქრონიკასთან“ საუბრისას გამოეხმაურა ინფორმაციას, რომ საერთაშორისო სარეიტინგო სააგენტო S&P Global Ratings-მა საქართველოს სუვერენული რეიტინგი „BB“ დონეზე, ხოლო პერსპექტივა - „სტაბილურზე“ შეინარჩუნა.
მისი თქმით, ფინანსური სექტორის სტაბილურობა განაპირობებს გარკვეულწილად ეკონომიკის მდგრადობას.
„ფინანსურმა სტაბილურობამ მოიტანა ის, რომ ინფლაციის მაჩვენებელი გაცილებით დაბალია, ვიდრე პროგნოზით იყო გათვალისწინებული. შესაბამისად, ესეც იმ სწორ პოლიტიკაზე მიუთითებს, რასაც „ქართული ოცნება“ ატარებს.
ეს ორი კომპონენტი არის იმის წინაპირობა, რომ მომდევნო წლებშიც ამ მიმართულებით ეს სტაბილურობა შენარჩუნებული იქნება“, - აღნიშნა ირაკლი ხელაძემ.
| სარეკლამო ადგილი - 11 650 x 60 |
