2025 წლის იანვარ-ივლისში ექსპორტი 8.9%-ით გაიზარდა და რეკორდულ ოდენობას 3,843.8 მლნ. აშშ. დოლარს გაუტოლდა. 2025 წლის იანვარ-ივლისში იმპორტი 10.8%-ით გაიზარდა და 10,310.1 მილიონი აშშ. დოლარი შეადგინა. იმპორტი 2025 წლის ივლისში 6.7%-ით შემცირდა და 1,464.0 მლნ აშშ დოლარს გაუტოლდა. ინფორმაციას ეკონომიკისა და მდგრადი განვითარების სამინისტრო ავრცელებს.

უწყების ცნობით, 2025 წლის იანვარ-ივლისში სავაჭრო ბრუნვა 10.3%-ით გაიზარდა 14,153.9 მილიონ აშშ. დოლარამდე, რაც ექსპორტის მსგავსად ასევე რეკორდული მოცულობაა. 2025 წლის ივლისში სავაჭრო ბრუნვა 2,073.1 მილიონი აშშ. დოლარით განისაზღვრა.