აბსურდია საუბარი ღობესთან დაკავშირებით, რომ სუსტად დახვდათ გადამტრიალებლებს და ეს იყო წინასწარ დაგეგმილი”,- განაცხადა საქართველოს პრეზიდენტმა მიხეილ ყაველაშვილმა საზოგადოებრივი მაუწყებლის ეთერში.

მიხეილ ყაველაშვილის განცხადებით, საქართველოში არსებობენ ადამიანები, რომლებიც გაურბიან რეალობას.

„დღეს საქართველოს ხელისუფლებამ გადაწყვიტა, რომ იყოს დამოუკიდებელი, აწარმოებს ეროვნულ ნიადაგზე დამყარებულ პოლიტიკას, ეროვნული ინტერესი დგას პირველ ადგილზე და ყველას ესაუბრება კორექტულად, მაგრამ თანასწორად და სთხოვს გარშემომყოფებსაც, რომ პატივი სცენ საქართველოს მოქალაქეების არჩევანს, მის ხელისუფლებას და მის სუვერენიტეტს. ეს არის ერთი მოცემულობა. სამწუხაროდ არის მოცემულობა , როცა ძალები, რომელსაც ჩვენ სხვადასხვა სახელს ვარქმევთ, შეგვიძლია დავარქვათ „დიფ სთეითი“ ან „გლობალური ომის პარტია“, რომლებიც ჩვენს ქვეყანას, ჩვენს სამშობლოს, ჩვენს სახელმწიფოს განიხილავენ როგორც პროექტს - პროექტი საქართველო, რომელსაც კონკრეტული ვალდებულებები გააჩნია ამ პროცესებში, რა პროცესებიც მიმდინარეობს. ისინი თვლიან, რომ საქართველოს როლი უნდა იყოს განსხვავებული .

ამ პროექტის მიხედვით ეს ადამიანები, რომლებზეც თქვენ გქონდათ საუბარი, არიან ინსტრუმენტები, რომლებიც მონაწილეობენ ამ პროექტში , დავალებებს იღებენ და ამ დავალებების საშუალებით მოქმედებენ. ამ ადამიანებს ნამდვილად არ უნდა უჭირდეთ არსებული რეალობის აღქმა და შეფასება ისე, როგორც არის, მაგრამ, რადგან ის დამოკიდებულია, ინსტრუმენტად არის წარმოდგენილი და ამ პროექტის შემქმნელებთან დავალებულია, იძულებულია, რომ ასე მოიქცეს. ამ პრიზმით თუ შევხედავთ მოვლენებს, ალბათ ყველაფრისთვის სახელის დარქმევა არ გაგვიჭირდება. არის ორი მოცემულობა, ერთი, სადაც საბედნიეროდ საქართველოს მოსახლეობის უმრავლესობა და ხელისუფლება ერთად არიან ამ პროცესში, დგას ერთ მხარეს და იცავს სახელმწიფოს, სახელმწიფო ინსტიტუტებს, ეროვნულ ინტერესს და დამოუკიდებლობას, ასევე სურს, რომ მასთან ითანამშრომლონ მისმა პარტნიორებმა, მაგრამ წლებია არსებობს ეს პროექტი და ამ პროექტის საშუალებით არსებობენ ე.წ პოლიტიკური პარტიები, არასამთავრობო ორგანიზაციები და ა.შ“,- განაცხადა საქართველოს პრეზიდენტმა.

საქართველოს პრეზიდენტის განცხადებით, მას შემდეგ რაც საქართველომ კონკრეტული ნაბიჯების გადადგმაზე უარი განაცხადა, ე.წ პროექტის შემქმნელებისგან მათივე ხელში არსებული ინსტრუმენტების გამოყენება დაიწყო.

„ის, რომ საქართველოს რიგი ნაბიჯები უნდა გადაედგა და ამაზე ჩვენმა სახელმწიფომ თქვა უარი , ამის შემდეგ დაიწყო ამ პროექტის შემქმნელების მიერ, მათივე ხელში არსებული ინსტრუმენტების გამოყენება სხვადასხვა ტექნოლოგიური საშუალებით“,- განაცხადა მიხეილ ყაველაშვილმა.