ხელისუფლების დამხობის მცდელობის საქმეზე 12 ბრალდებულის პროცესი მიმდინარეობს, მათ შორის მარიამ მეყანწიშვილისა და ნანა სანდერის.
სასამართლო სხდომაზე მოწმე ექსპერტების კითხავენ. სიტყვით ისარგებლა ბრალდებულმა, ნანა სანდერმა. ის ციხის დირექტორის დასანქცირებას ითხოვს. იგი აცხადებს, რომ არაადამიანური მოპყრობის მსხვერპლია. მისივე თქმით, არ მიეწოდება ვეგანური კვება და არ მისცეს იატაკის ჯოხის საკანში შეტანის საშუალება.
„გრძელდება არაადამიანური მოპყრობა. ციხის დირექტორმა შემომითვალა, რომ იატაკის ჯოხის საკანში შემოტანის უფლება არ მქონდა და იატაკი ხელით უნდა მომეწმინდა. ის აუცილებლად მოხვდება ციხეში. იქამდე მე ვთხოვ საზღვარგარეთ მცხოვრებ მეგობრებს, რომ ციხის დირექტორი შეიყვანონ დასასანქცირებელთა სიაში. მე არ მიმიღია ორთოპედიული მატრასი. მე ვარ ვეგანი და ვეგანური კვება არ მომეწოდება“, - განაცხადა ბრალდებულმა, ნანა სანდერსმა.
| სარეკლამო ადგილი - 11 650 x 60 |
