ყველაფერი ის, რასაც ჩვენ დიდი ხნის განმავლობაში ვამბობდით, რომ ეს იარლიყების მიწებება ჩვენი ხელისუფლებისთვის, რომ ეს არის პრო რუსული ხელისუფლება, ან რუსეთის ინტერესებს ატარებს, ეს ყველაფერი არის ვიწრო პოლიტიკური ინტერესებიდან გამომდინარე, ბატონმა მილანოვიჩმა დაადასტურა, - განაცხადა საგარეო ურთიერთობათა კომიტეტის თავმჯდომარემ ნიკოლოზ სამხარაძემ.
მისივე თქმით, ძალიან მნიშვნელოვანი იყო ზორან მილანოვიჩის განცხადება, რომ ის აღშფოთებული იყო იმ ფაქტით, როდესაც უცხო ქვეყნის საგარეო საქმეთა მინისტრები ოპოზიციის აქციაზე ჩამოვიდნენ, რადგან მხარი დაეჭირათ ოპოზიციისთვის წინასაარჩევნო პერიოდში.
„მესამე მნიშვნელოვანი გზავნილი იყო ის, რომ ძალიან ბევრ ქვეყანას ევროკავშირში საქართველოსთან მიმართებაში არანაირი პრეტენზია არ გააჩნია, უბრალოდ მათ უჭირთ საკუთარი პოზიციების გამოხატვა ბრიუსელის ბიუროკრატიის გამო“, - აღნიშნა ნიკოლოზ სამხარაძემ.
საქართველოს პრეზიდენტმა, მიხეილ ყაველაშვილმა ხორვატიის რესპუბლიკის პრეზიდენტთან, ზორან მილანოვიჩთან პირისპირ შეხვედრა გამართა.
| სარეკლამო ადგილი - 11 650 x 60 |
