საქართველოს პარლამენტის თავმჯდომარე შალვა პაპუაშვილი სოციალურ ქსელში მშვიდობის თემაზე ოპოზიციის შეცვლილ რიტორიკას ეხმიანება. იგი ამ თემაზე ოპოზიციის წარმომადგენლების შესაბამის განცხადებებს აქვეყნებს.

„ოპოზიცია ომის დაწყებიდან 4 წლის თავზე იმას ლაპარაკობს მშვიდობაზე, რასაც „ქართული ოცნება" ამბობდა 2022 წლის თებერვლიდანვე.

დააგვიანეს.

მშვიდობა შევინარჩუნეთ.

ახლა ვლაპარაკობთ ეროვნულ

ინტერესზე. ოპოზიცია კი ისევ ბრიუსელის წინაშე ცალ ფეხზე დგომისკენ მოგვიწოდებს.
გამოიცანით, რა მოხდება 4 წლის თავზე…“ - წერს შალვა პაპუაშვილი.