რუსეთის პრეზიდენტმა, ვლადიმერ პუტინმა განაცხადა, რომ რუსეთი შესაძლოა არ დაელოდოს ევროკავშირის მიერ დაწესებულ ვადებს და ევროპულ ბაზრებს გაზის მიწოდება იმაზე ადრე შეუწყვიტოს, ვიდრე ეს ბრიუსელს აქვს დაგეგმილი.
როგორც რუსული მედია აღნიშნავს, პუტინმა დაუშვა რუსეთის მიერ ევროპულ ბაზრებზე გაზის მიწოდების შეწყვეტა ახლავე და არა ერთ თვეში, როგორც ეს ევროკავშირს სურს, და გადასვლა უფრო პერსპექტიულ ბაზრებზე.
„მაინც, როგორც ახლა თქვით, ისინი გეგმავენ ერთ თვეში - 24 რიცხვი ბოლო დღეა - 25-დან დააწესონ შეზღუდვები რუსული გაზის ყიდვაზე, მათ შორის თხევადისაც. ხოლო ერთ წელიწადში, 2027 წელს, კიდევ შემდგომი შეზღუდვები, სრულ აკრძალვამდე. ახლა კი სხვა ბაზრები იხსნება. და შესაძლოა, ჩვენთვის უფრო მომგებიანი იყოს სწორედ ახლავე შევწყვიტოთ მიწოდება ევროპულ ბაზარზე. გადავიდეთ იმ ბაზრებზე, რომლებიც იხსნება და იქ დავმკვიდრდეთ“, - აღნიშნა პუტინმა.
| სარეკლამო ადგილი - 11 650 x 60 |
