გვქონდა საშუალება, რომ გვესაუბრა ქართულ-ამერიკული ურთიერთობების გაჯანსაღებაზე, მის გაუმჯობესებაზე და იმ შეხების წერტილების პოვნაზე, რომელიც მოგვცემს შესაძლებლობას, რომ ახალი სტრატეგიულ პარტნიორობა დავიწყოთ ურთიერთსასარგებლო თემატიკით, - განაცხადა საგარეო ურთიერთობათა კომიტეტის თავმჯდომარემ, ნიკოლოზ სამხარაძემ აშშ-ში ვიზიტთან დაკავშირებით.
მისი თქმით, საქართველო-აშშ-ის ურთიერთობების გაჯანსაღების პროცესში, შესაძლებელია, რომ აღნიშნული ვიზიტი მნიშვნელოვნად და პოზიტიურად შეფასდეს.
„ვიზიტი მნიშვნელოვანი იყო იქიდან გამომდინარე, რომ ჩვენ გვქონდა შესაძლებლობა შევხვედროდით, როგორც კონგრესის, ასევე, აღმასრულებელი ხელისუფლების საკმაოდ მაღალი დონის წარმომადგენლებს.
გვქონდა საშუალება, რომ გვესაუბრა ქართულ-ამერიკული ურთიერთობების გაჯანსაღებაზე, მის გაუმჯობესებაზე და იმ შეხების წერტილების პოვნაზე, რომელიც მოგვცემს შესაძლებლობას, რომ ახალი სტრატეგიულ პარტნიორობა დავიწყოთ ურთიერთსასარგებლო თემატიკით. ამ მხრივ მნიშვნელოვანი და პოზიტიური შეფასება შეგვიძლია მივცეთ ვიზიტს.
ეს არის სამუშაო პროცესი, რა თქმა უნდა ეს ყველაფერი ერთი ვიზიტით არ გამოსწორდება. ამიტომ ჩვენ საკმაოდ დიდი ოპტიმიზმით ველოდებით მომდევნო ნაბიჯებს. მიგვაჩნია, რომ ეს ვიზიტი იქნება მნიშვნელოვანი წინ გადადგმული ნაბიჯი ორ ქვეყანას შორის ურთიერთობის გაუმჯობესებისთვის“, - განაცხადა ნიკოლოზ სამხარაძემ.
| სარეკლამო ადგილი - 11 650 x 60 |
