პოზიტიური დინამიკა ცალსახაა. საზოგადოება ხედავს უკვე რამდენიმე თვეა სხვადასხვა სექტორში, სხვადასხვა მიმართულებით პოზიტიურ დინამიკას და მიუხედავად მცდელობისა, რომ ეს პროცესი დააზიანონ და ძირშივე წარუმატებელი გახადონ, წარმატებით გავალთ ბოლომდე, - განაცხადა გადაცემაში „იმედი Live” პარლამენტის ევროპასთან ინტეგრაციის კომიტეტის თავმჯდომარემ ლევან მახაშვილმა.
დეპუტატმა აშშ-ში საქართველოს საპარლამენტო დელეგაციის ვიზიტი შეაჯამა.
„ფაქტობრივად დღეს თავიდან ვაშენებთ ორმხრივ ურთიერთობებს [აშშ-სთან] და ამ [საპარლამენტო დელეგაციის] ვიზიტის მთავარი არსიც სწორედ ეს იყო, რომ ჩვენი სათქმელი გვეთქვა, პოზიცია დაგვენახებინა. აქ რომ ზოგიერთები ტყუილებს და დეზინფორმაციას ავრცელებდნენ, სწორედ ამაზეც იყო საუბარი, რეალურად რა ხდებოდა. ასევე გვინდა ამერიკელებისგან მოვისმინოთ როგორ ხედავენ ამ პროცესებს და წარმოუდგენიათ ურთიერთობების გადატვირთვა. ამ მხრივ სასიკეთო ვიზიტი იყო. დაბრუნდება ჩვენი დელეგაცია, გვექნება შიდა დისკუსიები, რა შემდგომი ნაბიჯები შეიძლება გადაიდგას ამ მიმართულებით. პოზიტიური დინამიკა ცალსახაა. საზოგადოება ხედავს უკვე რამდენიმე თვეა სხვადასხვა სექტორში, სხვადასხვა მიმართულებით პოზიტიურ დინამიკას და მიუხედავად მცდელობისა, რომ ეს პროცესი დააზიანონ და ძირშივე წარუმატებელი გახადონ, წარმატებით გავალთ ბოლომდე“, - აღნიშნა მახაშვილმა.
| სარეკლამო ადგილი - 11 650 x 60 |
