ეუთოს მიერ „მოსკოვის მექანიზმის“ ფარგლებში საქართველოს შესახებ მომზადებულ დასკვნას ეუთოს 57 წევრიდან 32-მა ქვეყანამ მხარი არ დაუჭირა. ასევე 32 ქვეყანა არ შეუერთდა გუშინ გამოქვეყნებულ განცხადებას.

ქვეყნების ჩამონათვალი, რომლებმაც საქართველოსთან დაკავშირებით „მოსკოვის მექანიზმის“ ამოქმედებას და შემდეგ მომზადებულ ანგარიშს მხარი დაუჭირეს, დოკუმენტშია მოყვანილი.

აღსანიშნავია, რომ „მოსკოვის მექანიზმს“ მხარი არ დაუჭირეს აშშ-მ, საფრანგეთმა, თურქეთმა, ესპანეთმა, იტალიამ, პორტუგალიამ, უნგრეთმა, საბერძნეთმა, კვიპროსმა, სლოვაკეთმა, რუმინეთმა, მალტამ, სომხეთმა და აზერბაიჯანმა.

ცნობისთვის, ეუთოს „მოსკოვის მექანიზმის“ ანგარიში გუშინ გამოქვეყნდა.