აშშ-ის პრეზიდენტმა, დონალდ ტრამპმა „დიდი შვიდეულის“ ლიდერებთან ვირტუალური სამიტის დროს დიდი ბრიტანეთის პრემიერ-მინისტრს, კირ სტარმერს დასცინა. ინფორმაციას AXIOS-ი ავრცელებს.

როგორც გამოცემას ორმა წყარომ განუცხადა, ტრამპმა სტარმერს დასცინა იმის გამო, რომ მან თავდაპირველად აშშ-ს ირანზე იერიშების მისატანად საკუთარი ბაზები არ დაუთმო, ხოლო შემდეგ გადაწყვეტილება შეცვალა.

ტრამპმა „დიდი შვიდეულის“ ლიდერების თანდასწრებით სტარმერს განუცხადა, რომ მას მისი დახმარება აღარ სჭირდება: „თქვენ ეს ომის დაწყებამდე უნდა შეგეთავაზებინათ - ახლა ძალიან გვიანია“, - თქვა თეთრი სახლის ლიდერმა.