ოპოზიციონერი ნიკა გვარამია ამბობს, რომ ოპოზიციის „გაერთიანება“ მათ შორის „პარტნიორების“ დაკვეთა იყო.

გადაცემის წამყვანის კითხვაზე, ხომ არ იყო ოპოზიციური გაერთიანება პარტნიორების დაკვეთა, გვარამია დადებითად პასუხობს.

„პარტნიორებისგან რა თქმა უნდა. პირველ რიგში შიგნით, ხალხისგან. ჩვენი ელექტორატისგან როცა გაჩნდა ეს დაკვეთა, ამას გავყევით“, - ამბობს პოლიტიკოსი.

წამყვანმა შეახსენა ის პერიოდი, როდესაც ოპოზიცია შალვა ნათელაშვილთან იკრიბებოდა.

„მაშინ ხალხი არ ითხოვდა [გაერთიანებას]. ყველა დღესაც არ ითხოვს, უბრალოდ უმწიფარი ნაყოფი არ უნდა მოწყვიტო და არც ფიქციური გაერთიანებები აკეთო, იმიტომ, რომ მოსავლის აკრეფა გინდა. როცა ეს მომწიფდა, ამის საჭიროება ყველაზე მეტად შესაძლებელია, [გავერთიანდით]. მომწიფდას იმიტომ ვამბობ, რომ ფსიქოლოგიურად ადამიანები უნდა იყვნენ მზად იმისთვის, რომ ერთ ოთახში ისხდნენ და წარსულის ტრავმები როგორც მინიმუმ, წინა რიგში არ იდგეს“, - აღნიშნა გვარამიამ.