უჩა ნანუაშვილმა საკუთარი გადაწყვეტილება სუს-ში მისვლაზე შეცვალა, მან გამომძიებელს დაურეკა და უთხრა, რომ სასამართლოში გამოიკითხებოდა.

როგორც სახელმწიფო უსაფრთხოების სამსახურში „იმედინიუსის“ შეკითხვის პასუხად განაცხადეს, ყოფილი სახალხო დამცველი უჩა ნანუაშვილი თავდაპირველად სუს-ში მისვლაზე თანახმა იყო, თუმცა მოვიანებით გამომძიებელს დაურეკა და უთხრა, რომ სასამართლოში გამოიკითხებოდა.

სუს-ში იგი „ეუთო-ს „მოსკოვის მექანიზმის“ ექსპერტთან კომუნიკაციის საკითხზეა დაბარებული. კერძოდ, საქმე ეხება ოპოზიციის აქტივისტის, დავით ქაცარავას განცხადებას, რომელმაც აღნიშნა, რომ უჩა ნანუაშვილი მას „მოსკოვის მექანიზმის" ფარგლებში მოწმედ გამოკითხვას დაჰპირდა.