ევროკავშირს არ აქვს სურვილი, რუსეთისთან ენერგეტიკული შეთანხმებები დადოს, მიუხედავად ფასების ზრდისა. ამის შესახებ ევროკავშირის საგარეო პოლიტიკის ხელმძღვანელმა კაია კალასმა სააგენტო Reuters-თან ინტერვიუში განაცხადა.
მისი თქმით, ასეთი პოზიცია ევროკავშირის წარმომადგენლებს დახურულ შეხვედრებზეც აქვთ, კავშირი უნდა „დარჩეს ფხიზლად“ და არ წავიდეს მოსკოვთან დათმობებზე.
„მე ვიყავი დახურულ შეხვედრებზე და იქ ასეთი ენთუზიაზმი არ მინახავს [სხვა ევროპელ პოლიტიკოსებს შორის]. როდესაც რუსეთთან ვსაუბრობთ, ყველაზე მნიშვნელოვანია შევთანხმდეთ იმაზე, რაზე გვინდა მასთან საუბარი. [...] ჩვენ უნდა ვიყოთ ძალიან ფხიზლად და არ მივცეთ რუსეთს ის, რაც მას სურს - მათი მოთხოვნები მხოლოდ გაიზრდება,“ - განაცხადა კალასმა.
ევროდიპლომატიის ხელმძღვანელმა ასევე აღნიშნა, რომ ევროკავშირი ერგება აშშ-ის ქმედებებს და ცდილობს შეეგუოს მათ არაპროგნოზირებადობას, რასაც თავად ბოლომდე ვერ ხსნის.
„ახლა უფრო მშვიდად ვართ, რადგან მუდმივად ველით, რომ მოხდება არაპროგნოზირებადი მოვლენები, და ვიღებთ ყველაფერს როგორც არის - ვიმარაგებთ მოთმინებით, ვინარჩუნებთ სიმშვიდეს და კონცენტრაციას,“ - აღნიშნა მან.
| სარეკლამო ადგილი - 11 650 x 60 |
