16 მარტის მდგომარეობით, ხმელთაშუა ზღვაში დაკარგულად დადასტურებულთა რაოდენობამ 682-ს მიაღწია. ამის შესახებ Associated Press იტყობინება, გაეროს მიგრაციის საერთაშორისო ორგანიზაციის (IOM) მონაცემებზე დაყრდნობით.
ადამიანის უფლებათა დამცველების აზრით, მსხვერპლთა რეალური რაოდენობა გაცილებით მაღალია, რადგან იტალიის, ტუნისისა და მალტის ხელისუფლებები სისტემატურად მალავენ ინფორმაციას გემების ჩაძირვისა და სამაშველო ოპერაციების შესახებ.
განსაკუთრებულ შეშფოთებას იწვევს იანვრის ბოლოს მომხდარი მოვლენები, როდესაც ციკლონმა „ჰარიმ“ ასობით მიგრანტის გაუჩინარება გამოიწვია, რომლებიც ტუნისიდან იყვნენ გასული ზღვაში. იმ დღეებში ჩაძირული ნავებიდან მხოლოდ ერთი ადამიანი გადარჩა. მამაკაცი სავაჭრო გემმა გადაარჩინა.
მიგრაციის საერთაშორისო ორგანიზაცია იძულებული გახდა შეექმნა ცალკე ბაზა „ვერ გადამოწმებადი შემთხვევებისთვის“, სადაც უკვე 400-ზე მეტი ადამიანია შეტანილი.
აღნიშნულია, რომ უფლებადამცველი ორგანიზაციები, რომლებიც ადრე ავსებდნენ ოფიციალური ინფორმაციის ნაკლებობას, ახლა თავად აწყდებიან დაფინანსების შემცირებასა და სახელმწიფო შეზღუდვებს.
ტუნისისა და იტალიის მსგავსი ქვეყნების ხელისუფლებებმა შეწყვიტეს მიგრანტების სტატისტიკის გამოქვეყნება, რაც ექსპერტების აზრით წარმოადგენს „პოლიტიკურ სტრატეგიას, რომელიც მიზნად ისახავს საზოგადოებისგან ინფორმაციის მაქსიმალურად დამალვას“.
დაკარგულთა ოჯახის წევრები გაურკვევლობაში რჩებიან, ხოლო მიგრანტების სიკვდილის თემა იშვიათად შუქდება მედიაში ოფიციალური მონაცემების ნაკლებობის გამო.
| სარეკლამო ადგილი - 11 650 x 60 |
