ვატიკანის სახელმწიფო მდივანმა დონალდ ტრამპსა და ისრაელს მოუწოდა, „რაც შეიძლება მალე“ დაასრულონ ომი ირანში და „თავი დაანებონ ლიბანს“. ინფორმაციას ამის შესახებ CNN-ი ავრცელებს.

კარდინალ პიეტრო პაროლინს, ოთხშაბათს რომში ჰკითხეს, რას ეტყოდა ტრამპს ირანში მიმდინარე კონფლიქტთან დაკავშირებით.

კარდინალმა აღნიშნა, რომ პრეზიდენტს ეტყოდა: „დაასრულეთ ეს რაც შეიძლება მალე, რადგან რეალური საფრთხე იმაში მდგომარეობს, რომ ესკალაცია უკვე კარსაა მომდგარი. მე ვიტყოდი: თავი დაანებეთ ლიბანს“.

მან აღნიშნა, რომ მისი გზავნილი ასევე „ისრაელელებისადმიც უნდა ყოფილიყო მიმართული“ და მოუწოდა მხარეებს, პრობლემები დიპლომატიისა და დიალოგის გზით მოაგვარონ.