ირანის შეიარაღებულ ძალებში აცხადებენ, რომ თავს დაესხმებიან აშშ-სა და ისრაელის ოფიციალურ პირებს, არმიის მეთაურებს მაშინაც კი, როდესაც ისინი შვებულებაში ან გასართობ ცენტრებში იქნებიან.

აღნიშნულის შესახებ ირანის შეიარაღებული ძალების პრესსპიკერმა, აბოლფაზლ შეკარჩიმ განაცხადა.

„ვაკვირდებით თქვენს მშიშარა ჩინოვნიკებსა და მეთაურებს, პილოტებსა და ბოროტ ჯარისკაცებს. ამიერიდან, თქვენ შესახებ არსებული ინფორმაციის საფუძველზე, მსოფლიოში სასეირნო ბილიკები, კურორტები და ტურისტული, გასართობი ცენტრები თქვენთვის უსაფრთხო არ იქნება“, – განაცხადა აბოლფაზლ შეკარჩიმ.