თბილისის მუნიციპალიტეტს ფონდი „ქართუ“ ყოფილი იპოდრომის ტერიტორიას გადასცემს, სადაც ცენტრალური პარკი გაშენდება. ამის შესახებ დედაქალაქის მერმა კახა კალაძემ განაცხადა.
მისი თქმით, ტერიტორიაზე პარკის მშენებლობას რამდენიმე ათეული მილიონი ლარი დასჭირდება, რომელსადც ასევე „ქართუ“ დაფარავს.
„ფონდი ქართუ“ მუნიციპალიტეტს ქალაქის ცენტრში სრულიად უსასყიდლოდ გადასცემს ყოფილი იპოდრომის ტერიტორიას, სადაც ასევე „ქართუს“ დახმარებით თბილისის ცენტრალური პარკი გაშენდება. მშენებლობა რამდენიმე ათეული მილიონი დაჯდება“, - აღნიშნა კახა კალაძემ ბრიფინგზე.
მერის განმარტებით, პროექტზე ნიდერლანური კომპანია მუშაობს, ხოლო მშენებლობის დაწყების თარიღი უახლოეს პერიოდში გახდება ცნობილი.
კახა კალაძემ იპოდრომის ტერიტორიის გადარჩენისთვის მადლობა გადაუხადა.
„მართლაც საშვილიშვილო საქმისა და თბილისისთვის გაკეთებული საჩუქრისთვის მინდა ბიძინა ივანიშვილსა და მის ოჯახს მადლობა გადავუხადო. ეს იქნება თანამედროვე პარკი, რომელითაც ყველა ოჯახი და თბილისელი იამაყებს“, - აღნიშნა კახა კალაძემ.
| სარეკლამო ადგილი - 11 650 x 60 |
