საქართველოს ეროვნული ბანკის ინფორმაციით,  2019 წლის დეკემბერში ქვეყანაში შემოსული ფულადი გზავნილების მოცულობამ 172.3 მლნ აშშ დოლარი (500.5 მლნ ლარი) შეადგინა.

ევროკავშირის ქვეყნებიდან ფულადი გზავნილების მოცულობა 16.4 პროცენტით გაიზარდა და 65.15 მლნ დოლარი შეადგინა. ფულადი გზავნილების 38 პროცენტი ევროკავშირის ქვეყნებზე მოდის. რაც შეეხება სხვა ქვეყნებს, 2019 წლის დეკემბერში 2018 წლის დეკემბერთან შედარებით 215.86 პროცენტით გაიზარდა გზავნილები ყირგიზეთიდან, 107.71  პროცენტით  ყაზახეთიდან, 84.19 პროცენტით სომხეთიდან, 76.51 პროცენტით უკრაინიდან, 6.74 პროცენტით თურქეთიდან, რუსეთის ფედერაციიდან კი ფულადი გზავნილებს 0.08 პროცენტიანი ზრდა დაფიქსირდა.

აღსანიშნავია, რომ ზრდის დაბალი ტემპის მიუხედავად, დეკემბერში რუსეთის ფედერაციიდან საქართველოში ყველაზე მეტი, 43.82 მლნ დოლარის ოდენობის ფულადი გზავნილი შემოვიდა, რაც მთლიანი გზავნილების 25.44 პროცენტია.