485
21 იანვარი 2020, 00:20
ირანის გუშაგთა კორპუსის ქვედანაყოფ ალ-ქუდსის ახალი მეთაური ისმაილ ყაანი პირობას დებს, რომ მისი წინამორბედის მკვლელობისთვის შურს იძიებს.
ყასემ სულეიმანის შემცვლელმა ამის შესახებ გუშაგთა კორპუსის მიერ გამართულ წარდგენის ღონისძიებაზე სიტყვით გამოსვლისას განაცხადა.
„მათ სულეიმანი ლაჩრულად მოკლეს, მაგრამ თავისუფლების მაძიებლების წყალობით, მსოფლიოს მასშტაბით, ჩვენ მისი მტრების წინააღმდეგ შურს ვიძიებთ“, - თქვა ისმაილ ყაანმა.
შეგახსენებთ, 3 იანვარს, გამთენიისას ბაღდადში ირანელი გენერალი ყასემ სულეიმანი აშშ-ს მიერ ცატარებული სპეცოპერაციისას მოკლეს.
გენერალი სულეიმანი „ალ-ქუდსის“ ძალების მეთაური იყო. „ალ ქუდსი“ ირანის გუშაგთა კორპუსის ქვედანაყოფია, რომელიც უცხოეთში სადაზვერვო და შეიარაღებული სპეცოპერაციების ჩატარებაზეა პასუხისმგებელი.
| სარეკლამო ადგილი - 11 650 x 60 |
