შორს ვარ იმ აზრისგან, რომ რაღაცები ვივარაუდო პერსონალურად ჩემზე, მაგრამ ყველა სიტუაციაში, ყველა მდგომარეობაში ვიდექი ელისოს{კილაძე}გვერდით. მეტიც - ელისო დგას ამ პროექტის გვერდით, - ამის შესახებ კომპანია „სვეტის“ დამფუძნებელმა, გივი ჯიბლაძემ განაცხადა.
„ვიღაცას ოპერატორი ჰგონია ქოლ-ცენტრი, ვიღაცას ისე, ვიღაცას - ასე. როცა დაიწყეს, ავტომატურად მოვყევი, რადგან იდეალური სამიზნე ვიყავი მე ჩემი ოფისით, ელისოსთან ერთად. მე არ ვფიქრობ თავის მართლებაზე, მე ვიცი ერთადერთი რამ, რომ ამ წუთას შევქმენი ისეთი იდეა და ტექნოლოგია, რომელიც სამყაროში არ არსებობს, ერთადერთია და დღეიდან მაქსიმუმ 5-6 თვეში ამას ძალიან ბევრი პარტნიორი იტყვის საჯაროდ“, - განაცხადა ჯიბლაძემ.
ქოლცენტრების საქმის სკანდალი - ელისო კილაძე, გივი ჯიბლაძე და ვალერი გელბახიანი თაღლითურ სქემაში მონაწილეობას უარყოფენ. ყველა მათგანი ამ მძიმე ბრალდების უკან კი თავდაცვის ყოფილი მინისტრის დავით კეზერაშვილის კვალს ხედავს, რომელიც ცოტა ხნის წინ ბიბისის გამომძიებელმა ჟურნალისტებმა, სავარაუდო დანაშაულში ამხილეს.
24 თებერვალს ONGO.GE გამოქვეყნდა სტატია რომელშიც წერია, რომ აღმოჩენილი და დალუქულია კილაძე-გელბახიანი-ჯიბლაძის ქოლცენტრი.
| სარეკლამო ადგილი - 11 650 x 60 |
