არ მიკვირს, ეს რომ ხდება, რადგან არჩევნები მოახლოვდა და თუ შევხედავთ, სიტუაციას, უნდა მივხდეთ, რაღაც ძალებს აწყობთ სიტუაციის ასე დაძაბვა, - ამის შესახებ მეუფე იაკობმა „იმედი LIVE“-ში განაცხადა.
„თქვენ გახსოვთ, მე ადრე გავაკეთე განცხადება, რომ მაშინდელი შინაგან საქმეთა მინისტრი, გიორგი გახარია ითხოვდა შსს-ს მაღალი თანამდებობის პირებიდან, მღვდლებზე და ზოგადად სასულიერო პირებზე შეეგროვებინათ კომპრომატები. მე ეს აბსოლუტურად საჯაროდ ვთქვი და მაშინ ძალიან ბევრი ადამიანი, თუნდაც დღევანდელი ხელისუფლებიდან უარყოფდა ასეთ რამეს. მე სიმართლეს ვლაპარაკობდი. ვისაც გიორგი გახარია ავალებდა, რამდენიმემ მითხრა და თან სხვადასხვა მხრიდან ვამოწმებდი და აბსოლუტურად ასე იყო. ბრძანება მოდიოდა გიორგი გახარიასგან, თავად მას კი ვინ აძლევდა ბრძანებას, არ ვიცი, ჩვენი ქვეყნიდან ალბათ არ იყო. დღესაც იმ აზრზე ვარ, რომ გახარია მოსკოვის კაცია“, - განაცხადა მეუფე იაკობმა.
კითხვაზე, უცდია თუ არა მას გახარიასთან შეხვედრა, მეუფე აცხადებს, რომ ამის სურვილი არ ჰქონია.
„მასთან შეხვედრა არასდროს მსურდა იმის გამო, რასაც აკეთებდა. იმასაც გიდასტურებთ, რომ ეკლესიას ებრძოდა. ერთ რამეს გეტყვათ, როცა ამდენ ფაილს აკეთებენ, იქ შეიძლება რაღაც ნაწილი ჭეშმარიტებას შეიცავდეს“, - განაცხადა მეუფე იაკობმა.
| სარეკლამო ადგილი - 11 650 x 60 |
