მაკა ბოჭორიშვილი კავკასიასა და ცენტრალურ აზიაში ნატო-ს გენერალური მდივნის სპეციალურ წარმომადგენელს, ხავიერ კოლომინას შეხვდა
სარეკლამო ადგილი - 10
650 x 60
68 15 ოქტომბერი 2021, 23:38

ევროპასთან ინტეგრაციის კომიტეტის თავმჯდომარე მაკა ბოჭორიშვილმა და კომიტეტის თავმჯდომარის პირველმა მოადგილე ლევან ქარუმიძემ, ბრიუსელში ვიზიტის ფარგლებში, შეხვედრა გამართეს ნატო-ს გენერალური მდივნის ახლად დანიშნულ სპეციალურ წარმომადგენელთან კავკასიასა და ცენტრალურ აზიაში, ხავიერ კოლომინასთან.

 

მხარეებმა საქართველო-ნატოს თანამშრომლობის დღის წესრიგი, ქვეყნის ჩრდილოატლანტიკურ ალიანსში ინტეგრაციის გზაზე მიღწეული პროგრესი და სამომავლო გეგმები განიხილეს.

 

გენერალური მდივნის სპეციალური წარმომადგენელი ევროატლანტიკური ინტეგრაციის გზაზე ქვეყნის მიერ მიღწეულ პროგრესს მიესალმა და ხაზი გაუსვა ნატო-საქართველოს შორის თანამშრომლობის მაღალ დონეს. ხავიერ კოლომინამ გლობალური უსაფრთხოების უზრუნველყოფის საქმეში შეტანილი წვლილისთვის ქართულ მხარეს მადლობა გადაუხადა. შეხვედრისას, საუბარი შეეხო რეგიონში უსაფრთხოების გამოწვევებს და მათთან გამკლავების კუთხით საქართველოსა და ნატო-ს შორის თანამშრომლობის მნიშვნელობას.

 

მხარეებმა ასევე, ქვეყანაში მიმდინარე პოლიტიკური პროცესები და დემოკრატიის განმტკიცების კუთხით მიმდინარე რეფორმები მიმოიხილეს. ევროპასთან ინტეგრაციის კომიტეტის თავმჯდომარემ ხავიერ კოლომინას მადლობა გადაუხადა ქვეყნის ტერიტორიული მთლიანობის მტკიცე მხარდაჭერისთვის და კიდევ ერთხელ გამოხატა საქართველოს ურყევი ნება გახდეს ჩრდილოატლანტიკური ალიანსის სრულფასოვანი წევრი.

 

აღსანიშნავია, რომ ხავიერ კოლომინა კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენლის რანგში საქართველოს პირველი ვიზიტით 19-20 ოქტომბერს ეწვევა.

სარეკლამო ადგილი - 11
650 x 60
პროკურატურამ, ქარელის მუნიციპალიტეტის სოფელ ავლევში, მეუღლის დამამძიმებელ გარემოებებში განზრახ მკვლელობის ფაქტზე, ერთ პირს ბრალდება წარუდგინა
საქართველო-სომხეთის საზღვართან, მდინარე დებედაზე, ახალი საავტომობილო ხიდი ორი ერის მეგობრობის კარგი მაგალითია
რეჯეფ თაიფ ერდოღანი აცხადებს, რომ ლვოვში გამართულ შეხვედრაზე, უკრაინის პრეზიდენტ ვოლოდიმირ ზელენსკის თურქეთში რუსეთის პრეზიდენტთან შეხვედრა შესთავაზა
ევროკავშირის წარმომადგენლობა - მოვუწოდებთ საქართველოს ყველა დაინტერესებულ მხარეს, ყველა შესაბამის არასამთავრობო ორგანიზაციას მიეცეს შესაძლებლობა მონაწილეობა მიიღოს ყველა სამუშაო ჯგუფის საქმიანობაში
სუს-ი - ოკუპირებული ცხინვალის მიმართულებით საოკუპაციო ხაზზე გადაადგილების კუთხით დაწესებული უკანონო შეზღუდვები ნაწილობრივ შემსუბუქდება
არქივი