საქართველო ბრუნდება იქ, სადაც ყოველთვის იყო მისი ადგილი - ევროპაში - ამის შესახებ საქართველოს პარლამენტის თავმჯდომარემ შალვა პაპუაშვილმა „ტვიტერის“ საკუთარ გვერდზე მას შემდეგ დაწერა, რაც ევროპულმა საბჭომ საქართველოს ევრპული პერსპექტივა, ხოლო უკრაინასა და მოლდოვას კანდიდატის სტატუსი მიანიჭა.
„მადლიერებას გამოვხატავ ევროპული საბჭოს იმ ლიდერების მიმართ, ვინც ეს რეალობად აქცია. ეს ჭეშმარიტად ისტორიული მომენტია - ამ გადაწყვეტილებით ევროკავშირისა და საქართველოს ურთიერთობებში ახალი შორს მიმავალი ფურცელი გადაიშალა. საქართველო ბრუნდება იქ, სადაც ყოველთვის იყო მისი ადგილი - ევროპაში“, - აღნიშნა პაპუაშვილმა.
ინფორმაციისთვის, ევროპულმა საბჭომ უკრაინისთვის და მოლდოვისთვის ევროკავშირის კანდიდატის სტატუსის მინიჭების გადაწყვეტილება მიიღო, ხოლო საქართველოსთვის ევროპული პერსპექტივის და მზადაა კანდიდატის სტატუსი მიანიჭოს, როგორც კი "დასახული პრიორიტეტები შესრულდება".
| სარეკლამო ადგილი - 11 650 x 60 |
