აშშ-ის პრეზიდენტმა, ჯო ბაიდენმა განაცხადა, რომ აშშ და ევროპა სრულად გაერთიანებულნი არიან უკრაინის მხარდაჭერის საკითხის ირგვლივ.
„აშშ-მა იმუშავა მოკავშირეებთან და პარტნიორებთან ერთად, რათა უკრაინელი ხალხი ყველაზე ძლიერ მდგომარეობაში იყოს საკუთარი ქვეყნისა და ოჯახების რუსეთის სასტიკი, მართლაც სასტიკი აგრესიისგან დასაცავად. ევროპა და აშშ სრულად გაერთიანებულნი არიან [უკრაინის მხარდაჭერის საკითხში]“, - აღნიშნა აშშ-ის პრეზიდენტმა.
აშშ-ის პრეზიდენტმა, ჯო ბაიდენმა განაცხადა, რომ აშშ უკრაინას Abrams-ის 31 ტანკს გადასცემს.
„Abrams-ის ტანკები მსოფლიოში ყველაზე ბრძოლისუნარიანი ტანკებია. ასევე უკიდურესად კომპლექსურია ექსპლუატაციისა და მომსახურების კუთხით. ამიტომ ჩვენ ასევე ვაძლევთ უკრაინას სათადარიგო ნაწილებსა და აღჭურვილობას, რომელიც აუცილებელია ამ ტანკების ეფექტურად მართვისთვის ბრძოლის ველზე. ჩვენ დავიწყებთ უკრაინული ჯარების მომზადებას ამ საკითხებზე, რაც შეიძლება მალე“, - აღნიშნა აშშ-ის პრეზიდენტმა.
სარეკლამო ადგილი - 11 650 x 60 |