მიხარია, რომ საქართველომ მხარი დაუჭირა ევროკავშირის ყველა ფინანსურ სანქციას, ეს არ არის მარტივი
სარეკლამო ადგილი - 10
650 x 60
70 30 იანვარი 2023, 16:19

მიხარია, რომ საქართველომ მხარი დაუჭირა ევროკავშირის ყველა ფინანსურ სანქციას, ეს არ არის მარტივი, რადგან საქართველოზე ზეწოლა ძალიან მაღალია, ლტოლვილთა დიდი ნაკადი დაატყდა თავს რუსეთიდან, – ამის შესახებ ავსტრიის ფედერალურმა კანცლერმა, კარლ ნეჰამერმა საქართველოს პრემიერ-მინისტრ ირაკლი ღარიბაშვილთან ერთობლივ ბრიფინგზე განაცხადა.

მისივე თქმით, საქართველო სწორი მიმართულებით მიდის. ავსტრიის ფედერალურმა კანცლერმა საქართველოს ევროინტეგრაციის გზაზე მხარდაჭერა აღუთქვა.

„ვისაუბრეთ ასევე იმ თემაზე, რომელიც თითქმის ერთი წელია, ჩვენ ყველას ძალიან გვაფიქრებს და გვაშფოთებს. ლაპარაკია უკრაინის ომზე. ადამიანები უაღრეს გაჭირვებაში იმყოფებიან, ომი სულ უფრო მძიმე ხასიათს იძენს და ამით იზრდება ადამიანთა ტანჯვა. საქართველო მართლაც განსაკუთრებულ სიტუაციაშია, ამაზე ბატონმა პრემიერ-მინისტრმაც გაამახვილა ყურადღება. ავსტრიაში საქართველოს ელჩი ყოველთვის მიუთითებს საქართველოს განსაკუთრებულ გეოპოლიტიკურ მდგომარეობაზე, საქართველოს ტერიტორიის ნაწილი ოკუპირებულია, რუსი სამხედროები დგანან თქვენი ქვეყნის ტერიტორიებზე და ამას თავისთავად მოაქვს ის რეალობა, რომ საქართველოს მიერ განხორციელებული პოლიტიკა გარკვეულწილად სხვა რეალობაში უნდა გამოიხატებოდეს.

სწორედ ამიტომ ძალიან მიხარია, რომ საქართველომ მხარი დაუჭირა ევროკავშირის მიერ დაწესებულ ყველა ფინანსურ სანქციას. ეს მართლაც არ არის მარტივი, რადგანაც ზეწოლა საქართველოზე ძალიან მაღალია, საქართველოს ლტოლვილთა დიდი ნაკადი დაატყდა თავს რუსეთის ფედერაციიდან და ყველაფერთან ერთად, ესეც ძალიან დიდი გამოწვევაა საქართველოს მთავრობისთვის, მითუმეტეს ასეთ მძიმე პერიოდში. ამავდროულად, მინდა, ჩემი მხრივ მოგცეთ გარანტია და ვთქვა, რომ საქართველო ძალიან სწორი მიმართულებით მიდის და ჩემი მხრიდან აღგითქვათ დახმარება საქართველოს ევროინტეგრაციის გზაზე“, – განაცხადა ავსტრიის კანცლერმა.

სარეკლამო ადგილი - 11
650 x 60
ირაკლი ზარქუა რომან გოცირიძეს: გილოცავთ ტყვეობიდან დახსნას! წლებია გეუბნებოდით - გადი ამ ბლოკიდან, გამოდით ამ “ნაცებიდან“
გიული ალასანია სააკაშვილზე: წინ არის წამოწეული ჰუმანიტარული მხარე, კი ბატონო, დიდი მადლობა, მაგრამ ეს ადამიანი აქ სამკურნალოდ ხომ არ ჩამოსულა?!
დარეჯან ცხვიტარია: ხაბეიშვილმა და მისმა გუნდმა ყველაფერი გაინაღდეს და უკვე მიშა არ არის მათთვის აქტუალური
წავკისში, საგზაო ინფრასტრუქტურის მოწესრიგება მიმდინარეობს
ურსულა ფონ დერ ლაიენი - კარგი შეხვედრა მქონდა პრეზიდენტ ზურაბიშვილთან, მივესალმები მტკიცე ერთგულებას საქართველოს ევროპული პერსპექტივისადმი
არქივი