„საერთაშორისო გამჭვირვალობა საქართველოს“ აღმასრულებელმა დირექტორმა, ეკა გიგაურმა საქართველოს კორუფციის ინდექსის შესახებ განცხადების გასაკეთებლად ოფისში მედიის წარმომადგენლები დაიბარა, თუმცა, საბოლოოდ, კომენტარის გასაკეთებლად არ გამოჩნდა.
მის ნაცვლად კომენტარი, ანტიკორუფციული პროგრამის მენეჯერმა სანდრო ქევხიშვილმა გააკეთა. კითხვაზე, თუ რატომ არ გამოვიდა მედიასთან შესახვედრად გიგაური, ქევხიშვილმა აღნიშნა, რომ მას მედიასთან შესახვედრად არ ეცალა.
„კორუფციის აღქმის ინდექსზე ვმუშაობ მე და ამიტომ, ყველაზე კომპეტენტური მე ვარ ამ საკითხში. თავიდანვე მე უნდა ჩავწერილიყავი მედიასთან, თვითონ არ სცალია ადამიანს, მე ვარ კომპეტენტური და მე ვეწერები“, - განაცხადა ქევხიშვილმა.
„ქართული ოცნების” კომუნიკაციების დეპარტამენტმა დღეს, კორუფციის აღქმის ინდექსის შესახებ განცხადება გამოაქვეყნა სადაც აღნიშნულია, რომ კორუფციის აღქმის ინდექსით საქართველო, პირველად ამ ინდექსის ისტორიაში, ევროპის საუკეთესო ოცეულშია, თუმცა, „საერთაშორისო გამჭვირვალობა“ ცდილობს ეს მიღწევა ნეგატიურ კონტექსტში წარმოაჩინოს.
| სარეკლამო ადგილი - 11 650 x 60 |
