შალვა პაპუაშვილი: გარკვეული უხერხულობაა, რომ საქართველოს მიმართ იყო მოწოდება არ მიეღო „უცხოური გავლენის გამჭირვალობის შესახებ“ კანონი და თავად ევროკავშირი მსგავს კანონპროექტზე მუშაობს
სარეკლამო ადგილი - 10
650 x 60
131 14 მარტი 2023, 15:54

არის გარკვეული უხერხულობა, რომ საქართველოს მიმართ იყო მოწოდება არ მიეღო „უცხოური გავლენის გამჭირვალობის შესახებ“ კანონი და თავად ევროკავშირი მსგავს კანონპროექტზე მუშაობს, - ამის შესახებ პარლამენტის თავმჯდომარემ შალვა პაპუაშვილმა განაცხადა.

მისივე თქმით, პარლამენტი „უცხოური გავლენის გამჭირვალობის შესახებ“ კანონპროექტის განხილვას თავიდან არ აპირებს და ამ დისკუსიამ თავისი შედეგი უკვე გამოიღო - როცა იქნება საეჭვო ქმედებები ამა თუ იმ ორგანიზაციის მხრიდან, საზოგადოება, მედია და პოლიტიკური ორგანიზაციებიც იკითხავენ თუ რა ფინანსური ინტერესები დგას ამ ორგანიზაციების უკან

„საზოგადოება ხვდება, რომ ემოციები დაცხრა, ყველას შეუძლია დაუბრუნდეს შინაარსს, საგანს და ამაზე იმსჯელოს. ვნახეთ, როგორც საზოგადოებისგან რეაქციები, მათ შორის, იმედგაცრუება იმ ხალხის მხრიდან, რომელსაც ჩაუდეს თავში პროტესტის აღქმა და სინამდვილეში, აღმოჩნდა, რომ ამის უკან იყო უბრალოდ, კარგად დაგეგმილი პიარ კამპანია, რომლითაც შეეცადნენ, რომ სტიგმატიზებითა და იარლიყების მიკერებით აეგორებინათ სახალხო მღელვარება. ქართული საზოგადოება არის ძლიერი საზოგადოება, რომელმაც გამოიარა 90-იანი, 2000-იანი წლები. საბოლოო ჯამში ამ ემოციების დაცხრომის შემდგომ ხალხი ყველაფერს სწორად აანალიზებს და ხედავს. ეს ინიციატივა, რომელიც ევროკავშირშია, ვნახეთ, რომ სხვა ქვეყნებიც იგივე ინიციატივას აჟღერებენ და აპირებენ შესაბამისი კანონების მიღებას. არის გარკვეული უხერხულობა, რომ საქართველოს მიმართ იყო მოწოდება არ მიეღო მსგავსი კანონი და თავად ევროკავშირი მსგავს კანონპროექტზე მუშაობს. კანონპროექტის განხილვას თავიდან არ ვაპირებთ, მაგრამ ამ დისკუსიამ თავისი შედეგი უკვე გამოიღო და როცა იქნება საეჭვო ქმედებები ამა თუ იმ ორგანიზაციის მხრიდან, დარწმუნებული ვარ, საზოგადოება, მედია და პოლიტიკური ორგანიზაციებიც იკითხავენ თუ რა ფინანსური ინტერესები დგას ამ ორგანიზაციების უკან“,- განაცხადა პაპუაშვილმა.

სარეკლამო ადგილი - 11
650 x 60
NDI - არაერთი დადებითი ტენდენცია შეინიშნება, ამავდროულად არსებობს საარჩევნო პროცესებთან დაკავშირებული მნიშვნელოვანი გამოწვევები: პოლარიზაცია, სამოქალაქო საზოგადოების წინააღმდეგ სიტყვიერი თავდასხმები
NDI-ის სადამკვირვებლო დელეგაცია საპარლამენტო არჩევნებისთვის შემუშავებულ რეკომენდაციებს აქვეყნებს
მეუფე შიო: თავმდაბალი ადამიანი ყოველთვის მოსიყვარულეა, რადგან სიმდაბლე ძირშივე აღმოფხვრის ეგოიზმს, ეგოიზმი კი საფუძველია ყველა სხვა ვნების
ვაპირებთ, ჯო ბაიდენს პირდაპირ თვალებში ჩავხედოთ და ჩვენ ვეტყვით მას: „გამოდი ჯო, შენ თანამდებობიდან გაგათავისუფლეს“
მამის მკვლელობაში ბრალდებულს აღკვეთის ღონისძიებად პატიმრობა შეეფარდა
არქივი