„ხალხის ძალის“ წევრი, თამთა მეგრელიშვილი 7- 9 მარტს გამართულ აქციაზე პოლიციელზე თავდასხმისა და ნივთის დაზიანების ფაქტებზე ბრალდებული ლაზარე გრიგორიადისის საქმეს სოციალურ ქსელში ეხმიანება.
მისი თქმით, ადამიანს, რომელიც პოლიციელს დასაწვავად იმეტებდა, „ნაციონალური მოძრაობის“ წევრები და მხარდამჭერები იცავენ.
მეგრელიშვილი ხაზს უსვამს იმ ფაქტსაც, რომ დაკავებულმა პირმა, წარსულში საკუთარ მამასაც მიაყენა ფიზიკური დაზიანება.
„ადამიანი მამას რომ დაჭრის, ის სხვას დაინდობს?
პოლიციელის ცოცხლად დაწვის მცდელობა არ უნდა დაისაჯოს?
კიდევ რამდენი „ნაცი“ გაბედავს მოძალადის დაცვას ყურადღებით უნდა დავაკვირდეთ!“, - წერს თამთა მეგრელიშვილი.
საქალაქო სასამართლომ 7-9 მარტის აქციასთან დაკავშირებით დაკავებულ ლაზარე გრიგორიადისს პატიმრობა შეუფარდა. პროკურატურის მიერ გავრცელებულ განცხადებაში ნათქვამია, რომ ბრალდებულმა 9 აპრილის ქუჩაზე შს სამინისტროს განსაკუთრებულ დავალებათა დეპარტამენტის თანამშრომლების მიმართულებით, რომლებიც სამსახურებრივ მოვალეობას ასრულებდნენ, ორჯერ ისროლა ე.წ. მოლოტოვის კოქტეილი. ასევე, ბრალდებულმა განზრახ წაუკიდა ცეცხლი შინაგან საქმეთა სამინისტროს კუთვნილ ავტომანქანას, რომელიც ადგილზე დაიწვა.
| სარეკლამო ადგილი - 11 650 x 60 |
