ოპოზიცია დადის ქვეყნის გარეთ სხვადასხვა პარტიასა და პოლიტიკურ პატრონთან და ეუბნება მათ, რამენაირად მოგვეხმარეთ გარედან, რომ დავამხოთ ეს ხელისუფლება, ჩვენ მოგვიყვანეთ ხელისუფლებაში, დაგვნიშნეთ საქართველოს ხელისუფლებაში და გავაკეთებთ ყველაფერს, რაც თქვენ გინდათ, - ამის შესახებ ყოფილმა პოლიტპატიმარმა, ბიძინა გიორგობიანმა გადაცემაში „იმედი LIVE“ განაცხადა.
მისი თქმით, ოპოზიცია მათ პოლიტიკურ პატრონს ეუბნება, რომ მოიყვანონ ისინი ხელისუფლებაში და შეასრულებენ იმას, რასაც საქართველოს დღევანდელი ხელისუფლება არ ასრულებს
„რა უნდათ იმათ, ვისთანაც ესენი [ოპოზიცია] დადიან? იმათ უნდათ, რომ საქართველო იყოს რუსეთის ამ ბოროტების იმპერიის გარშემო ე.წ. ცეცხლოვანი სარტყელის წევრი ვიყოთ ჩვენ და როგორც უკრაინელმა ერთ-ერთმა მაღალჩინოსანმა განაცხადა, ჩვენი დედებიც ტიროდნენ ისე, როგორც მათი დედები ტირიან. ეს უნდათ მათ და ესენიც თანხმდებიან, ეუბნებიან, მოგვიყვანეთ ხელისუფლებაში ჩვენ შევასრულებთ იმას, რასაც საქართველოს დღევანდელი ხელისუფლება არ ასრულებს“, - განაცხადა ბიძინა გიორგობიანმა.
| სარეკლამო ადგილი - 11 650 x 60 |
