სარეკლამო ადგილი - 1
976 x 90
საფრანგეთის საგარეო საქმეთა სამინისტრო - საფრანგეთი გმობს აზერბაიჯანის მიერ სამხედრო ოპერაციის დაწყებას მთიან ყარაბაღში, ვერანაირი საბაბი ვერ გაამართლებს ასეთ ცალმხრივ ქმედებას
სარეკლამო ადგილი - 10
650 x 60
89 19 სექტემბერი 2023, 19:58
საფრანგეთი აზერბაიჯანს მოუწოდებს, დაუყოვნებლივ შეწყვიტოს შეტევა და დაუბრუნდეს საერთაშორისო სამართლის პატივისცემას.

საფრანგეთის საგარეო საქმეთა სამინისტროს განცხადების მიხედვით, საფრანგეთი მკაცრად გმობს აზერბაიჯანის მიერ სამხედრო ოპერაციის დაწყებას მთიან ყარაბაღში მძიმე იარაღის გამოყენებით, მათ შორის დასახლებული ტერიტორიების წინააღმდეგ.

საფრანგეთის საგარეო უწყების განცხადებაში აღნიშნულია, რომ ვერანაირი საბაბი ვერ გაამართლებს ასეთ ცალმხრივ ქმედებას, რომელიც საფრთხეს უქმნის ათასობით მშვიდობიანი მოქალაქეს, რომელიც უკვე დაზარალებულია თვეების განმავლობაში უკანონო ბლოკადით.

„არსებული ვითარება აზერბაიჯანს აკისრებს მთიანი ყარაბაღის მშვიდობიანი მოსახლეობის ბედზე პასუხისმგებლობას. საფრანგეთი გაერთიანებული ერების ორგანიზაციის უსაფრთხოების საბჭოს სხდომის საგანგებო მოწვევას ითხოვს. საფრანგეთი მჭიდროდ თანამშრომლობს თავის ევროპელ და ამერიკელ პარტნიორებთან, რათა უზრუნველყოს ძლიერი პასუხი ამ მიუღებელი შეტევაზე“, – აღნიშნულია საფრანგეთის საგარეო საქმეთა სამინისტროს განცხადებაში.

აზერბაიჯანის თავდაცვის სამინისტრომ ყარაბაღში „ანტიტერორისტული ღონისძიებების“ დაწყების შესახებ განაცხადა.

აზერბაიჯანის თავდაცვის სამინისტროს განცხადების თანახმად, „სომხეთის შეიარაღებული ძალების ფორმირებების მიერ აზერბაიჯანის არმიის პოზიციების სისტემატური დაბომბვა ყარაბაღის რეგიონში, ტერიტორიების განგრძობადი დანაღმვა, სამუშაოების ჩატარება საინჟინრო, საბრძოლო პოზიციების გასაუმჯობესებლად, აგრეთვე სანგრების რაოდენობის გაზრდა ბოლო თვეებში კიდევ უფრო დიდი დაძაბულობის მიზეზი გახდა“.

ამასთან, სომხეთის თავდაცვის სამინისტრომ გაავრცელა ინფორმაცია, რომ სომხეთის რესპუბლიკას მთიან ყარაბაღში არმია არ ჰყავს განთავსებული.
სარეკლამო ადგილი - 11
650 x 60
სტოლტენბერგი: ჩრდილოეთ კორეაში პუტინის ვიზიტი იმაზე მეტყველებს, რომ რუსეთი სულ უფრო მეტად არის დამოკიდებული ავტორიტარულ ქვეყნებზე
ლევან ნიკოლეიშვილი: მოფიქრება არ გინდა ერთმანეთის მაგინებელი, მლანძღველი და მტრულად განწყობილი პარტიები თუ სუბიექტები ერთად რომ დააყენო, კოალიცია დაარქვა, თან ისეთი მანტია გადააფარო, რომ მათი ნაცური, თაღლითური თუ ბოროტი წარსული დამალო?!
ევროკომისიის გენერალური დირექტორატი საქართველოს მიმართ ევროკავშირის მხარდაჭერის შესახებ ინფორმაციას ავრცელებს
საქართველოს ცენტრალური საარჩევნო კომისია ელექტრონულ არჩევნებთან დაკავშირებით განცხადებას ავრცელებს
მიხეილ ყაველაშვილი დასავლელ პარტნიორებზე: ისინი ცდილობენ იმოქმედონ საზოგადოების ნაწილზე, რომ დააზარალონ ხელისუფლება და როგორმე მოხდეს ძალადობრივი ქმედებები. ახლა ალბათ დაელოდებიან არჩევნებს - იქნებ მაშინ გამოვიდეს ეს ამბავი
არქივი