განათლებისა მეცნიერების კომიტეტის თავმჯდომარის პირველი მოადგილე გიორგი ჩაკვეტაძე მამუკა ხაზარაძის მიერ სტუდენტების სტაჟირების ანაზღაურებაზე გაკეთებულ განცხადებას სოციალურ ქსელში ეხმიანება.

„ანეკდოტია… მამუკა ხაზარაძემ ერთ-ერთი ტელევიზიის პირდაპირ ეთერში თქვა, რომ მზად არის, სტუდენტებისთვის სტაჟირება ანაზღაურებადი გახადოს.

საპარლამენტო უმრავლესობის ინიციატივით, სტაჟირება 2022 წლის 1 ნოემბრიდან სამუშაო გამოცდილებად ითვლება, ხოლო 2 კვირის წინ, მესამე მოსმენით მივიღეთ კანონი, რომლითაც საჯარო სამსახურში სტაჟირება 2024 წლის 1 იანვრიდან ანაზღაურებადი ხდება.

შემდეგი დაპირება ალბათ სტატუსშეჩერებული სტუდენტებისთვის სწავლის დავალიანების განულება იქნება, ან სახელმწიფო სტიპენდიის ოდენობის გაორმაგება შეიძლება შემოგვთავაზოს“, - წერს გიორგი ჩაკვეტაძე.