გურამ მაჭარაშვილი: ნაციონალური მოძრაობა, სადაც გაიქცა, ყველგან წაიქცა - ქუჩაში წაიქცა, პარლამენტში წაიქცა, ევროპაში წაიქცა, საკუთარ პარტიაში წაიქცა, ანუ რეალურად გამოდის, რომ 2024 წლის არჩევნებამდე ან მიაღწევს ცოცხლად ან ვერა
სარეკლამო ადგილი - 10
650 x 60
82 29 ნოემბერი 2023, 23:59
ნაციონალურ მოძრაობაში მიმდინარე პროცესებს აფასებს „ხალხის ძალის“ ერთ-ერთი ლიდერი გურამ მაჭარაშვილი. როგორც მან ჟურნალისტებთან განაცხადა, ნაციონალებმა რეალურად რაც დათესეს, ის მოიმკეს საკუთარ პარტიაში და  თითქმის ყველა ეტაბზე ბოლო წლებში მარცხი განიცადეს. 
„ნაციონალური მოძრაობა, განსაკუთრებით ბოლო წლებში, სადაც გაიქცა, ყველგან წაიქცა - ქუჩაში წაიქცა, პარლამენტში წაიქცა, ევროპაში წაიქცა, საკუთარ პარტიაში წაიქცა, ანუ რეალურად გამოდის, რომ 2024 წლის არჩევნებამდე ან მიაღწევს ცოცხლად ეს პარტია, ან ვერა. დღეს ვხედავთ, რომ ფაფხურობენ რაღაცას, რომ კვიპროსიდან ფულებით და „ვივამედიდან“ მანიფესტით რაღაცნაირად გადაარჩინონ ეს პარტია, თუმცა ყოფილი და მოქმედი თავმჯდომარეები ფიზიკურად ვერ თანხმდებიან. 
დღეს ჩვენ კი გავუკეთეთ შეთავაზება, რომ ორივემ იაროს - ერთმა ორშაბათი, ოთხშაბათი, პარასკევი და მეორემ სამშაბათი, ხუთშაბათი, შაბათი და კვირას ან „ვივამედში“ წავიდნენ და ან კვიპროსზე, მაგრამ ვერ მიაღწევენ ამ შეთანხმებასაც. მიდის ძალიან კარგი პროცესი, ჩვენ სიამოვნებით ვუყურებთ ამას - რაც დათესეს, იმას იმკიან საკუთარ პარტიაში: ქვეყანას ურჩევდნენ რიგგარეშე არჩევნებს და თავად მიიღეს, მეორედ მგონი; ცხელ შემოდგომას და ცივ ზამთარს გვიქადდნენ და ახლა თავად დაუდგათ ცივი ზამთარი; ქვეყანას არეულობას და ომს უსურვებდნენ და თვითონ მიიღეს არეულობა და ომი. ანუ, რეალურად რაც დათესეს, იმას იმკიან,“ -  განაცხადა გურამ მაჭარაშვილმა. 

როგორც ის აცხადებს, მოვლენების  ასეთი განვითარება გასაკვირი არაა. შესაბამისად, ეს საზოგადოებას სწორი არჩევანის გაკეთების შესალებლობას აძლევს. „ეს ლოგიკური პროცესია და საზოგადოებას ექნება შესაძლებლობა განსაზღვროს 2024 წლისთვის ვინ მოიყვანოს ოპოზიციაში. ხელისუფლებაზე აღარაა ლაპარაკი. მე გგონია, რომ საზოგადოება ჩამოყალიბებულია იმაში, რომ დღევანდელ ხელისუფლებას აქვს რესურსი, გააგრძელოს მმართველობა. მაგრამ თქვენ თუ ხედავთ, ოპოზიცია დღეს ითხოვს დარჩეს ოპოზიციაში, ამის პრობლემა აქვთ. რეალურად ის მეორე ადგილისთვის იბრძვის. მათი დაჟინებული მოთხოვნა ბარიერის დაწევასთან დაკავშირებითაც ამაზე მოასწავებს. ერთი მხრივ, ამბობენ, რომ 2 პროცენტი დაგვიწესეთო. მერე, როცა მიხვდნენ, რომ ეს ძალიან ცუდი მესიჯი იყო, გამოვიდა ვაშაძე და თქვა, ჩვენი ბარიერი 40 პროცენტიაო. ამას მოყვა ხაბეიშვილი, თქვა 16-ია ჩვენიო და ვაშაძე მხოლოდ 3 პროცენტს აიღებსო. აქაც აირივნენ, ეტყობა ხაბეიშვილს 16 მეტი ჰგონია, ვიდრე 40, ანუ ნაციონალურ მოძრაობაში ამაშიც ვერ შეთანხმდნენ.

ყველა ცალ-ცალკე ამბობს, მოვდივართ ხელისუფლებაშიო და ამავდროულად ერთმანეთს მრგვალ მაგიდასთან ეპატიჟებიან, ერთად თუ არ ვიქნებით, ხელისუფლებას ვერ დავამარცხებთო. ურთიერთგამომრიცხავ განცხადებებს აკეთებენ იმიტომ, რომ საზოგადოებისგან არც ნდობა აქვთ და მათმა პატრონებმაც ხელი ჩაიქნიეს მათზე. აქაურ ოპოზიციაზე ფსონი დიდი ხანია დადებული არ აქვთ. რა შეთანხმებაზეა საუბარი, იმაზეც ვერ თანხმდებიან ტრიბუნასთან ვინ დადგება. ამიტომ აუცილებელია, ნაციონალური მოძრაობის, როგორც რეჟიმის გასამართლება და ეს იქნება წერტილი, რომ სამომავლოდ ასეთი ტიპის პოლიტიკური პარტია აღარასოდეს აღარ იყოს პოლიტიკურ სპექტრში,“ -  აღნიშნა გურამ მაჭარაშვილმა.
სარეკლამო ადგილი - 11
650 x 60
სალომე ზურაბიშვილი - სააკაშვილის შეწყალება მორალური გადაწყვეტილებაა, რომელსაც ჩემით მივიღებ და პასუხს მხოლოდ საკუთარი თავის წინაშე ვაგებ, ეს ნამდვილად არ არის ის, რაზეც გავლენაც შეიძლება მოახდინო საგარეო ზეწოლით ან შიდა ზეწოლით
ევროპარლამენტში ორი რეზოლუცია მიიღეს, რომლებშიც საქართველოს მხარდამჭერი განცხადებებიც შევიდა
ოკუპირებული აფხაზეთის დე ფაქტო პარლამენტმა რუსული რუბლის “ოფიციალურ ვალუტად” მიღებას დაუჭირა მხარი
იულია ნავალნაია - პუტინი კრიმინალური დაჯგუფების ლიდერია, მან ჩემი ქმარი მოკლა
წალენჯიხის მუნიციპალიტეტის მერიის ყოფილ ორ თანამშრომელს აღკვეთის ღონისძიების სახით პატიმრობა შეეფარდა
არქივი