ეუთო-ს მინისტერიალის ფარგლებში, ილია დარჩიაშვილმა ევროპელ კოლეგებთან ორმხრივი შეხვედრები გამართა
სარეკლამო ადგილი - 10
650 x 60
87 30 ნოემბერი 2023, 00:55

საქართველოს საგარეო საქმეთა მინისტრმა, ილია დარჩიაშვილმა ეუთო-ს მინისტერიალის ფარგლებში ევროპელ კოლეგებთან ორმხრივი შეხვედრები დაიწყო. ვიზიტის პირველ დღეს საგარეო საქმეთა მინისტრი ავსტრიელ კოლეგას ალექსანდრ შალენბერგს შეხვდა, ასევე შეხვედრა გამართა სამხრეთ კავკასიასა და ცენტრალურ აზიაში ნატო-ს გენერალური მდივნის სპეციალურ წარმომადგენელთან, ხავიერ კოლომინასთან.

ეუთო-ს მინისტერიალის ფარგლებში, საქართველოს საგარეო საქმეთა მინისტრმა, კოლეგებთან ერთად, მონაწილეობა მიიღო არაფორმალური ხასიათის შეხვედრაში, სადაც განხილვის თემა არსებული გამოწვევების ფონზე ეუთო-ს ეფექტიანი ფუნქციონირების საკითხი იყო.

ავსტრიელ კოლეგასთან შეხვედრაზე საუბარი შეეხო საქართველოს ევროკავშირში გაწევრიანების პროცესს, ევროკომისიის დადებით რეკომენდაციას საქართველოსთვის კანდიდატის სტატუსის მინიჭების შესახებ და შემდგომ პროცესში ავსტრიის პოლიტიკურ მხარდაჭერას.

ნატო-ს გენერალური მდივნის სპეციალურ წარმომადგენელთან განხილული იყო ნატო-საქართველოს დღის წესრიგის აქტუალური საკითხები, ევროატლანტიკური ინტეგრაციის გზაზე საქართველოს მიერ მიღწეული პროგრესი, პრაქტიკული თანამშრომლობის გაღრმავების სამომავლო პერსპექტივები.

ვიზიტის პირველ დღეს ილია დარჩიაშვილი ასევე შეხვდა ისლანდიის საგარეო უწყების ხელმძღვანელს.

ეუთო-ს მინისტერიალის ფარგლებში დაგეგმილია ილია დარჩიაშვილის 15-მდე შეხვედრა ევროპელ კოლეგებთან, ასევე – ეუთო-ს ხელმძღვანელ პირებთან. ილია დარჩიაშვილი ასევე სიტყვით გამოვა ეუთო-ს მინისტრთა საბჭოს სესიაზე, სადაც ყურადღებას გაამახვილებს საქართველოს ოკუპირებულ რეგიონებში არსებულ ვითარებაზე და საერთაშორისო თანამეგობრობის მხარდაჭერის კონსოლიდაციაზე.

ეუთო-ს მინისტერიალი (29 ნოემბერს – 1 დეკემბერს) ქ.სკოპიეში იმართება ორგანიზაციაში ჩრდილოეთ მაკედონიის თავმჯდომარეობის ფარგლებში. მინისტერიალში ორგანიზაციის წევრი ქვეყნების დელეგაციები მონაწილეობენ, მათ შორის სკოპიეში იმყოფება აშშ-ს სახელმწიფო მდივანი და უსაფრთხოებისა და საგარეო პოლიტიკის საკითხებში ევროკავშირის უმაღლესი წარმომადგენელი.

სარეკლამო ადგილი - 11
650 x 60
დიმიტრი ხუნდაძე: პრეზიდენტს დარჩა ერთადერთი კრიმინალი შესაწყალებლად - მიხეილ სააკაშვილი, ოღონდ ჯერ უნდა გადაწყვიტონ მისმა მბრძანებლებმა უცხოეთში, როდის აწყობთ ეს
დათა თავაძე გამჭვირვალობის კანონზე: ჩვენ ყველაფერი უნდა გავაკეთოთ იმისთვის, რომ ეს კანონი არ გავიდეს; ყველაფერი უნდა გავაკეთოთ იმისთვის, რომ საშინელი, ამაზრზენი, ლგბტ პროპაგანდის წინააღმდეგ კანონი არასდროს მიიღონ საქართველოში
შემოსავლების სამსახურის უფროსმა, ლევან კაკავამ აშშ-ის ელჩს უმასპინძლა
აზიური ფაროსანას მონიტორინგის მიზნით, დასავლეთ საქართველოში ფერომონიან დამჭერებს ათავსებენ
თამარ ჩიბურდანიძე: პრეზიდენტმა კრიმინალის შეწყალებით ცეცხლი წაუკიდა ყველა პოლიციელს, ვინც ჩვენს და მათ შორის, მის უსაფრთხოებასაც იცავს
არქივი